🌿«Эко-тропа-2026»🌿 — 3 сентября 2026 г. в 05:07:14.592
🌿«Эко-тропа-2026»🌿 Оскуолабыт иһинэн ыытыллар сыллата күүтүүлээх экологическай акциябыт — «Эко-тропа-2026» буолан ааста. Оскуолабыт бары үөрэнээччилэрэ, үлэһиттэрэ бары биир киһи курдук турунан, нэһилиэкпитигэр баар оҕо-аймах сынньанар, оонньуур уонна сайыҥҥы куйааска сөбүлээн сынньанар сөтүөлүүр сирдэригэр субуотунньукка таҕыстылар. Биһиги иннибитигэр сүҥкэн сорук турбута — сайын устата дьон тоҕуоруйар сирдэрин ыраас хаалларыы уонна айылҕаҕа харыстабыллаах сыһыаны көрдөрүү. Акция сыала-соруга: * Экологическай: айылҕаҕа сынньанар сирдэри бөҕүн ыраастааһын, чөлүгэр түһэрии. * Чэбдигирдэр: оҕолорго уонна олохтоохторго ыраас салгынынан тыынарга, ыраас ууга сөтүөлүүргэ табыгастаах усулуобуйаны тэрийии. * Үөрэтэр-иитэр: төрөөбүт дойдуга тапталы, эппиэтинэһи иҥэрии. Оҕолор экология диэн боростуой тыл буолбакка, күннээҕи олоххо тутуһуллуохтаах быраабылалар буолалларын илэ харахтарынан көрдүлэр. * Сомоҕолуур: оскуола араас саастаах көлүөнэлэрин — кыралартан выпускниктарга диэри — биир сомоҕо оҥоруу, улахан үлэни бииргэ толоруу үөрүйэҕин биэрии. Күн-дьыл туран биэрэн, ким да туора турбата. Субуотунньук бүппүтүн кэнниттэн биһиги нэһилиэкпит сынньанар сирдэрэ биллэ тупсубуттар, ыраастаммыттар. Бу күнтэн ылата биһиги оҕолорбут эрэ буолбакка, бар дьоммут санаата көтөҕүлүннэ. Бу курдук, кыра да хардыылартан улахан уларыйыылар саҕаланаллар! Махтал буоллун, күндү үөрэнээччилэрбит! Эһиги сыралаах үлэҕит уонна төрөөбүт дойдуга тапталгыт иһин! Инникитин да маннык хамсааһыннар элбээн истиннэр!