🔔Балаҕан ыйын 1 күнүгэр — Билии күнүгэр — Кеша Алексеев аатынан Хаптаҕай орто оскуолат... — 3 сентября 2026 г. в 04:51:26.993
🔔Балаҕан ыйын 1 күнүгэр — Билии күнүгэр — Кеша Алексеев аатынан Хаптаҕай орто оскуолата 2026–2027 саҥа үөрэх дьылын үөрүүлээхтик арыйда. Сайыны быһа чуҥкуйан турбут сырдык кылаастарбыт, көрүдүөрдэрбит бүгүн оҕо саас күлүүтүнэн, сибэкки дьөрбөтүнэн уонна истиҥ мичээринэн туолла. Оскуола боруогун аан маҥнай атыллааччылар 🎒 Күн бэлиэ түгэнэ — бастакы кылааска киирэр кырачааннары көрсүү буолла. Быйыл оскуола боруогун 13 үөрэнээччи атыыллаата. Оҕолорбут маҥнайгы учууталларынан Давыдова Ньургуйаана Николаевна ананна. Улахан эппиэтинэстээх дьоммут — выпускниктар 👩🎓👨🎓 14 выпускникпытыгар барыларыгар дириҥ билиини, эксээмэннэригэр ситиһиини уонна талбыт идэлэригэр үктэллээх буолалларыгар баҕарабыт! Үгэс курдук, убай-эдьиий дьонноро кыраларга анаан самолетик туттардылар. Үөрүүлээх линейкаҕа ыҥырыылаах ыалдьыттарбыт кэлэн эҕэрдэлээтилэр: * Нэһилиэкпит аҕа баһылыгын солбуйааччыта Георгий Валерьевич Никифоров; * Мэҥэ Хаҥалас улууһун административнай хамыһыйатын бэрэссэдээтэлэ Лина Михайловна Васильева. * Үөрэҕирии салалтатын исписэлииһэ Мария Николаевна Ларионова. Ону тэҥэ оҕо саадын иитээччилэрэ Майя Николаевна Васильева уонна Елена Ивановна Павлова алгыс тылларын анаатылар. Быйылгы үөрэх дьылыгар оскуолабытыгар история уонна обществознание учууталынан Иванова Сахаяна Николаевна үлэлии кэллэ. Таһаарыылаах үлэни, үрдүк ситиһиилэри баҕарабыт! 🔔Маҥнайгы чуорааны оскуолабыт выпускницата Афанасьева Аина уонна 1 кылаас үөрэнээччитэ Федоров Дуолан лыҥкыначчы тыаһаттылар. Чугдаархай дорҕоон хас биирдиибит сүрэҕэр үөрэх-билии умсулҕанын санатта. Сыл устата сылайары билбэккэ үөрэниэҕиҥ, үүнүөҕүҥ-сайдыаҕыҥ!