Бүгүн оскуолабыт үөрэнээччилэрэ «Үлэ киһини киэргэтэр» диэн өс хоһоонун олоххо киллэрэн...
Бүгүн оскуолабыт үөрэнээччилэрэ «Үлэ киһини киэргэтэр» диэн өс хоһоонун олоххо киллэрэн, нэһилиэкпитигэр дьоһуннаах кылааттарын киллэрдилэр. 9-с кылаас үөрэнээччилэрэ педагогическай үлэ ветераныгар Яковлева Нина Николаевнаҕа хортоопуй хостоон көмөлөстүлэр. Оҕолор истиҥ махтал тыллары ылан тарҕастылар. Оттон орто уонна улахан сүһүөх үөрэнээччилэрэ (10–11 кылаастар) нэһилиэкпит СХПК «Дириҥ» хортоопуйугар сырыттылар. Хомуур үлэтин үгэнигэр илии үлэтэ хаһааҥҥытааҕар да сыаналанар. Уолаттар-кыргыттар былааны толорууга бэйэлэрин кылааттарын киллэрдилэр. Маннык тэрээһиннэр көлүөнэлэр ситимнэрин бөҕөргөтөллөр, оҕолорго үлэттэн толлубат буоларга үөрэтэллэр уонна норуот муудараһын өссө төгүл бигэргэтэллэр: чахчыта да, үлэ киһини киэргэтэр!
101 просмотров