Бүгүн ыам ыйын 26 күнүгэр бары оскуолаларга тиһэх чуораан тыаһаата. Түгэнинэн туһанан б... — 26 мая 2026 г. в 14:28:01.481
Бүгүн ыам ыйын 26 күнүгэр бары оскуолаларга тиһэх чуораан тыаһаата. Түгэнинэн туһанан бу күн быйыл Н.И. Прокопьев аатынан Хатыы орто оскуолатын бүтэрээри сылдьар оҕолортон инникитин ханнык идэни баһылыыр баҕалаахтарын уонна оскуола кэминээҕи умнуллубат түгэннэриттэн санааларын үллэстэллэригэр көрдөстүм☺️👋🏼 Харитонов Алгыс: Мин аатым - Харитонов Алгыс Николаевич. Информатика идэтигэр туттарсар баҕа санаалаахпын. Учуутал эдьиийим Айталина Лазаревна идэтин олус күүскэ сөбүлээн көрөммүн. Для меня самым запоминающим моментом в школе это люди, которые дали нам знания и познания которые помогут нам в будущем. Сафонова Эвелина: Мин аатым Эвелина Сафонова. Быраас идэтигэр туттарсар баҕа санаалаахпын. Бэйэм бу идэни сөбүлүү көрөммүн, онно үөрэнэ киириэхпин баҕарабын. Оскуолатааҕы олохпуттан саамай умнулубат түгэннэр, бу бииргэ улааппыт доҕотторум буолаллар. Тоҕо диэтэр, мин кинилэри кытта, араас күрэхтэринэн араас тэрээһиннэринэн оскуолабыт чиэһин көмүскээччибит уонна кыайааччыбыт. Доҕотторбун уонна бу доҕоттору бэлэхтээбит оскуолабын хаһан да умнуом суоҕа. Сидоров Айтал: Мин аатым - Айтал. Оскуолатааҕы олохпуттан саамай умнуллубат түгэнинэн араас күрэхтэргэ, мероприятияларга, лааҕырдарга, выездтарга сылдьыбыт кэмнэрим буолаллар. Бу кэмнэрим миэхэ оскуолабын өрүү күндүтүк санатыаҕа. Тимофеева Антонина: Мин аатым Антонина. Артыыс идэтигэр туттарсар баҕа санаалаахпын. Оскуолатааҕы олохпуттан саамай умнуллубат тугэннэр бииргэ үөрэммит оҕолорум буолаллар. Доҕотторбун кытары үөрэнэрбитин, хас бырааһынньык аайы бииргэ олорон эбиэд кэннэ муста охсон чээйдиирбитин, араас оскуолабыт күрэхтэригэр уонна тэрээһиннэригэр кыттарбытын өйдүү саныы сылдьыам. Ону таһынан, оскуола актыбыыс оҕолор кэккэлэригэр сылдьыбыт кэмнэрбин умнуом суоҕа. Активистыы сылдьан онно-манна кыттан, атын нэһилиэк оскуолатын оҕолорун кытта билсиһэн, оҕо сааспытыгар элбэх умнуллубат, ханна да хатыламмат кэрэ кэмнэри бэлэхтээтэ. Инньэ диэн туран махтал тылбын этиэхпин баҕарабын, куруутун аттыбар баар күндү төрөппүттэрбэр, үөрэппит учууталларбар уонна чугас доҕотторбор. Макаров Ярослав: Мин аатым Макаров Ярослав. Оскуола кэминээҕи умнуллубат тугэннэрим миэхэ бу тапталлаах оскуолам бэлэхтээбит доҕотторо буолаллар. Мин кинилэри кытта араас оскуола иһинэн ыытыллар күрэхтэргэ кыттарбыт. Сүүрүү ыстаныы уруһуй, хаһыат оҥоруу күрэхтэригэр наар бастыырбыт. Оскуола актыбыыс оҕолорун кэккэлэригэр сылдьыбыт кэмнэрбин уонна умнуом суоҕа. Кини миэхэ араас улуустары, атын оскуола оҕолорун кытта билсиһиннэрдэ.