КҮӨХ БОЛЛОХ ТОЙОН МААНЫТА☺️🙏🏻
КҮӨХ БОЛЛОХ ТОЙОН МААНЫТА☺️🙏🏻 Бу мааны күннэргэ оскуолабыт олоҕор биир умнуллубат, ураты тэрээһин буолан ааста😍👏Оскуолабыт көхтөөх үлэһиттэрэ уонна үөрэнээччилэрэ айылҕалыын алтыһан, былыргы өбүгэбит үгэһин уһугуннаран, бары биир киһи курдук Алтынньы 30 күнүгэр муҥхалаан киирдилэр👍🏻 Муҥха — өбүгэбит үйэлэртэн ыла тутуһан кэлбит, күүстээх санааны, түмсүүнү уонна ситимнэһиини ирдиир үгэһэ буолар🙌🏻Бу күн оҕолорбут улахан дьону кытта тэҥҥэ сылдьан, муҥха кистэлэҥнэригэр үөрэннилэр, айылҕаҕа харыстабыллаах сыһыан уонна үлэ үөрүйэҕин иҥэриннилэр🙏🏻Хас биирдии кыттааччы бэйэтин үлэтигэр эппиэтинэстээхтик сыһыаннаһан, уопсай ситиһиигэ бэйэтин кылаатын киллэрэн үөрэн-көтөн төрөппүттэригэр кыра өттүк харалаах барда☺️🙌🏻 Муҥхалаабыппыт туһунан ЮТУБ оскуолабыт ханаалыгар толору видеотын киирэн манан көрүҥ - https://youtu.be/k9ounDsY3hQ?si=dGyTZrgeFyKG6cyw Эбиэппитигэр күүс-уох эптэ буспут минньигэс сыалаах оскуолабыт баайтаһынын этин оҕолорбутунаан үлэһиттэрбитинээн сиэн үөрүү-көтүү уонна истиҥ остуол тула кэпсэтиилэр бу күнү өссө тупсардылар😍Муҥхабыт ситиһиилээхтик түмүктэнэн, үөрэнээччилэрбитигэр уонна үлэһиттэрбитигэр умнуллубат өйдөбүлү, күүстээх санааны уонна саҥа кыахтары биэрдэ👍🏻 Махтаныахпыт этэ Муҥханы иилээн саҕалаан туох хайдаҕын ыйан кэрдэн биэрбит киһибитигэр Ефрем Васильевичка уонна учууталбытыгар Федор Федоровичка🙏🏻 Үгэспитин тутуһан, өссө да маннык түмсүүлээх, ситиһиилээх тэрээһиннэрбит элбии турдуннар🤝