Каникул кэмигэр – айар уонна аптаах куйаар👻✨
Каникул кэмигэр – айар уонна аптаах куйаар👻✨ Күһүҥҥү каникул кэмигэр биһиги оскуолабытыгар оҕолорго анаан наһаа интэриэһинэй уонна ураты «Косплей монстров в школе» диэн Хэллоуин күнүнээҕи тэрээһин алтынньы 28 күнүгэр буолан ааста👍🏻Бу күн оскуолабыт иһэ туох эрэ дьикти, аптаах уонна арыый куттас, ол эрээри наһаа көрдөөх эйгэҕэ кубулуйда диэтэхпэ сыыспатым буолуо✨ Тэрээһин иһинэн оҕолор үс сүрүн хайысханан араас дьарыктарга көхтөөхтүк кытыннылар: • Косплей күрэҕэ: Үөрэнээччилэрбит бэйэлэрин айар куттарын уонна маастарыстыбаларын көрдөрдүлэр. Кинилэр араас киинэлэр, мультфильмнар уонна номохтор биллэр куттас, дьикти геройдарын (монстрдарын) көстүүмнэрин бэйэлэрэ тиктэн, оҥостон кэлэн күрэхтэстилэр. Хас бирдии уобарас ураты уонна чаҕылхай буолан, дьүүллүүр сүбэҕэ бастыҥнары талар уустук түгэн буолла🤫👍🏻 • Кинозал: Көрүү кэнниттэн оҕолор бары бииргэ мустан, Хэллоуин тыыннаах, киһини долгутар уонна умсугутар абааһылаах киинэни астына көрдүлэр👻 • Куттас оонньуулар: Тэрээһин саамай көрдөөх чааһынан араас таабырыннаах, дьикти уонна абааһылаах оонньуулар буоллулар. Оҕолор бөлөхтөргө хайысхан, бэйэ-бэйэлэригэр көмөлөһөн, элбэх сымса буолууну уонна өйү сытыылыыр сорудахтары ситиһиилээхтик толордулар🙌🏻☺️ Бу тэрээһин оҕолорго ураты умнуллубат өйдөбүлү, элбэх үөрүүнү уонна саҥа доҕордоһууну бэлэхтээтэ👍🏻Каникулларын туһалаахтык уонна көхтөөхтүк атаарбыт оҕолорбутугар, ону тэҥэ уобарастары айарга көмөлөспүт күндү төрөппүттэрбитигэр барҕа махталбытын биллэрэбит🙏🏻 Өссө да маннык сэргэх тэрээһиннэргэ көрсүөххэ диэри👋🏼☺️