Быраһаай оскуолам🥹👋🏼 — 25 мая 2026 г. в 11:53:00.331
Быраһаай оскуолам🥹👋🏼 Ыам ыйын 26 күнүгэр Н.И. Прокопьев аатынан Хатыы орто оскуолатыгар бүтэһик чуораан чугдарыа🔔 Эһигини барыгытын бу үөрүүлэх, быйылгы үөрэх сылыгар Н.И. Прокопьев аатынан Хатыы орто оскуолатын 36 выпускниктарын бүтэһик чуорааннарыгар ыҥырабыт👋🏼 Бу турар оҕолорбут , 2015 сыл балаҕан ыйын 1 күнүгэр дьэрэкээн сибэкки тутуурдаах, саҥа форма кэтэн кырачаан бэйэлэрэ боччумуран, долгуйа үөрэр, аан бастаан оскуола боруогун атыллаан - оскуола үөрэнээччитин үрдүк аатын сүкпүттэрэ. Ол кэмтэн номнуо көй чыычаах көппүтүнүү 11 сыл aaһа оҕуспут. 11 сыл устатын тухары биһиги оҕолорбут учууталлар үтүө сүбэлэринэн, сыралаах үлэлэринэн,амарах сыһыаннарынан A буукубаттан саҕалаан ааҕарга-суруйарга үөрэнэн, 1 сыыппараттан олук оҥорон суоту баһылаан математика, физика, химия уустук задачаларын суоттуур, сахалыы, нууччалыы уустаан-ураннаан саҥарар, айар, омук тылынан ааҕар, история география, биология предметтэригэр киһи-аймах үйэлэргэ мунньуммут билиитин үөрэтэн элбэх билиини, саҥаны ыллылар. Маны таһынан киһилии сиэргэ иитиллэн, майгы-сигили өттүнэр ситтилэр-хоттулар.