Ыам ыйын 22 күнэ - Сайылык күнэ🌿
Ыам ыйын 22 күнэ - Сайылык күнэ🌿 2018 сыл сэтинньи 6 күнүнээҕи ыйааҕынан Саха Өрөспүүбүлүкэтигэр ыам ыйын 22 күнүгэр Сайылык күнэ бэлиэтэнэр. Сайылык күнэ үтүмэн үйэлэри уҥуордаан илдьэ кэлбит саха омугун үгэһин үйэтитии, тыа сирин туруу үлэһит киһитин өрө тутар, инники күөҥҥэ таһаарар сырдык сыаллаах. Хороҕор муостааҕы, сыспай сиэллээҕи иитэн олорор өбүгэлэрбит уһун, тымныы кыһын кэнниттэн баччаларга, от-мас тыллыыта, сүөһүлэрин-астарын илдьэ кыстыктарыттан сайылыкка көһөн тахсар үгэстээхтэрэ, айылҕа биэрэр быйаҥын, күөх мэччирэҥи көдьүүстээхтик туһаналлара. Сайылыкка тахсыбыт күҥҥэ ыал барыта алаадьы буһарара, кус сииллэрэ, сири-дойдуну аһаталлара, оҕо-уруу этэҥҥэ сылдьарын, сүөһү-ас этэҥҥэ турарын, уйгуну-быйаҥы биэрэрин туһугар Үрдүкү Айыылартан көрдөһөллөрө. Бүгүн Н.И. Прокопьев аатынан Хатыы орто оскуолатын оҕолоро нэһилиэк түмэлин иннигэр түмүөрүһэ мустаннар сайылык күнүн көрүстүлэр😍🙌🏻 Ырыа ылбаҕайын, оһуор үҥкүү тойугун эттилэр уонна нэһилиэк дьонун кыл-кылыһах кэрэ тыастаах кырыымпа тыаһынан ыраастаатылар👍🏻Бу маннык тэрээһиннэри биһиги оҕолорбут кэнчээри ыччаттарбыт үйэлэр тухары умнуо суохтаахтар🙏🏻 Ыам ыйын 22 күнүттэн айылҕа дьэ уһуктан от-мас тута көҕөрөн барар, көтөр-сүүрүр саҥата алааһы кыйа үүммүт тыаны толорон биһэр. Сайын саҕаланнаҕа дьэ бу😍🍃