Бүгүн Аан дойдутааҕы түмэл күнүгэр Хатыы орто оскуолатын үөрэнээччилэрэ орто сүһүөх кыл...
Бүгүн Аан дойдутааҕы түмэл күнүгэр Хатыы орто оскуолатын үөрэнээччилэрэ орто сүһүөх кылаас оҕолоро, төрөппүт Непряхина А.М, кылаас салайааччыта Харитонова С.Л ыаллыы сытар Бордоҥ нэһилиэгэр "Музей в чемодане" олус интириэһинэй тэрээһиҥҥэ баран кыттан, көрөн - истэн кэллибит. Аан бастаан биһигини сылаас алаадьылаах, итии чэйдээх балаҕаҥҥа "Айар Киин" култуура директэрэ Харитонов И.С уонна үлэһиттэрэ көрүстүлэр. Балаҕан ис бараанын көрдөрдүлэр, Кыайыы скверигэр кэрийэн сырытыннаран кэпсээтилэр. Хараллан турар "Капсула времени" көрдүбүт, Кыайыы 100 сылыгар 2045 сылга арыллар диэн суруктаах эбит. Салҕыы биһигини көрүстүлэр Степан Васильев аатынан төрөөбүт дойду, кыраайы үөрэтэр түмэл сэбиэдиссэйэ Егорова Наталья Васильевна, научнай үлэһит Григорьева Ирина Даниловна. Кинилэр түмэл хас биирдии муннугун кэрийэн көрдөрөн кэпсээтилэр. Манна бааллар Бөрөлөр, розовай фламинго чуучулалар, Степан Васильевка аналлаах муннук, АЛРОСА хампаанньа туһунан стенда. Оҕолор труд уруогар маһынан улахан кыамталаах массыыналары уһанан оҥорбуттара сөхтөрдө. Олохтоох хоһоону айааччылар, суруйааччылар айан - тутан бэлэмнээбит, бэчээттэппит элбэх кинигэлэрин сэргээтибит.Нэһилиэк хас биирдии выпуһа бэлэмнээн бэлэхтээбит экспонаттара бааллар. "Мэҥэдьэк сылгы боруодата" бренд буолбут, патент олохтообут туруу үлэһит чулуу дьоннорун туһунан туспа балаһаны кэпсээбиттэрин болҕойон иһиттибит. Быйыл Чулуу Саха бастыҥ государственнай, политическай диэйэтэлэ, биир дойдулаахпыт Степан Васильевич Васильев 130 сылын туоларын биллэрэн туран түмүгэр түмэл үлэһиттэрэ барыбытыгар блокнот бэлэх туттардылар. Оскуолаҕа Андреева Анна Владимировна директор, Николаева Маргарита Анатольевна оскуола түмэлин үлэһитэ салайааччылаах оҕолор төрөппүттэринээн "Музей в чемодане" улахан выставка тэрийбиттэр. Оҕолор кылааһынан бэлэмнэнэн тахсан аҕалбыт баай ис хоһоонноох экспонаттарын билиһиннэрдилэр.Ол саҕанааҕы школьнай форма кэппиттэр. Сталин портрета, эһээ Ленин кыра бюһа, значок арааһа, огонек журнал, кинигэлэр, радиолар,иһиттэр, статуэткалар, диафильмнар о.д араас экспонаттары көрдүбүт. Оскуола музейа коридортан саҕаланар. Олохтоох талааннаах уруһуйдьуттарын хартыыната киэргэтэр.Историческай хаартыскалартан саҕалаан октябренок, пионер, комсомол оскуола олоҕун кэпсиир. Элбэх кинигэлэр, альбомнар бааллар. Оҕолор дойдубутугар олорор араас омук таҥастарын тикпиттэрин куукула выставкатын көрдүбүт. АБДь анал муннук "Дьоруой партата" оҥорбуттар. Биһиги эмиэ экспонаппытын илдьэн көрдөрдүбүт, кэпсээтибит, хаартыскаҕа түстүбүт. Сотору кэминэн "Музей в чемодане" тэрээһин туһунан НВК ТВ ханаалыгар туспа эфирга көрүөхпүт. Бүгүҥҥү тэрээһин оҕолорбутугар олус үчүгэй өйдөбүлү хаалларыаҕа диэн эрэллээхпит.