Махсус хәрби операциядә батырларча һәлак булган Иске Масра авылы егете Нәсим Габидуллин... — 10 марта 2026 г. в 10:03:31.218
Махсус хәрби операциядә батырларча һәлак булган Иске Масра авылы егете Нәсим Габидуллин истәлегенә багышлана... ӨЗЕЛГӘН ҖЫР Яшь, чибәр идең шул Нәсим абый, Күзләреңнән җылы нур тама. Гармуныңны кулга алган чакта, Тылсым керә иде дөньяга. Баяныңның көмеш телләрендә Шатлык та бар иде, сагыш та. Син җырласаң, сандугачлар тынып, Туктап кала иде вакыт та. Мобилизация... Куркыныч... Аерды бит безне мәңгегә. «Кайтырмын!» - дип киттең, тик язмышың Ачы булган икән бигрәк тә... Ялкынланып янды яшь гомерең, Окопларда җырың өзелде. «Нәсим абый!» - диеп еласак та, Кайтарып ла булмый үзеңне. Гармуның да дәшми, баян елый, Авылыңда калды моңнарың. Күз яшьләре белән юабыз без Син үтмәгән гомер юлларын. Ник аямый үлем чибәрләрне? Ник сүндерә моңлы җаннарны? Ишетмәссең инде, Нәсим абый, Сандугачлы авыр таңнарны. Тыныч йокла, батыр абыебыз, Рәнҗеп ятма берүк беркемгә. Сары яфраклар гына сарылып, Сагыш өсти һәрбер үткән көнгә. Хуш, бәхил бул, солдат абыебыз, Җаның очты биек күкләргә. Син уйнаган моңлы көйләр калды Йөрәкләрдә мәңге яшәргә... РАЛИНӘ ШАКИРОВА, Курса Почмак мәктәбе