Бүген ветеран укытучыбыз Гыйниятуллина Г.А. укучыларыбызга "Яшьләр һәм ислам әхлагы" ис... — 11 марта 2026 г. в 16:09:47.987
Бүген ветеран укытучыбыз Гыйниятуллина Г.А. укучыларыбызга "Яшьләр һәм ислам әхлагы" исемле әдәплелек дәресе уздырды. Укучыларга әхлак тәрбиясе бирүдә традицион булмаган чараларның берсе булып балаларны дини мәдәният белән таныштыру тора. Яшь буынны иманлы, инсафлы итеп тәрбияләүдә ислам диненең иҗтимагый әһәмияте искиткеч зур. Чөнки ислам дине тынычлык, халыклар арасында дуслык, үзара ярдәмләшү өчен көрәшә, кешеләрне бозыклык эшләүдән тыя. Ислам берәүне дә начарлыкка өйрәтми. Анда гел яхшылыкка гына өндәгән күпсанлы чакыру, вәгазьләр бар. Алар барысы да Ислам әхлагы нигезен тәшкил итә. Ислам әхлагын саклаган һәр кеше дә бәхетле, сау-сәламәт һәм рухи яктан көчле була, чөнки ул иманлы. Менә шушы барлык матур, файдалы, кирәкле фикерләр һәм уздырган дәрес өчен Гүзәл апага олы рәхмәтләребезне җиткерәбез.