Ыам ыйын 21 күнүгэр, С.А. Зверев - Кыыл уола аатынан улуус норуот айымньытын киинигэр у... — 22 мая 2026 г. в 03:56:18.429
Ыам ыйын 21 күнүгэр, С.А. Зверев - Кыыл уола аатынан улуус норуот айымньытын киинигэр ураты үөрүүлээх, умнуллубат түгэн буолан ааста. В.Г. Павлов аатынан Сунтаар алын сүһүөх оскуолатын үөрэнээччилэрин кэскиллээх үөрэх сылын түмүктүүр, бастыҥнары чиэстиир «Сулус - 2026» түһүлгэтэ дьоһуннаахтык тэрилиннэ. Бу кэрэ киэһэҕэ оскуолабыт сырдык ыралаах оҕолоро талааннарын толору көрдөрдүлэр: кинилэр ырыа-хоһоон күүһүнэн уйулҕаны долгуттулар, үҥкүүлэринэн, холку дьүһүйүүлэринэн сүргэни көтөхтүлэр. Сценаҕа тахсыбыт оҕо аайыттан кэлэр эрэл, чаҕылхай кэскил күүһэ көстөн ааста. Ону тэҥэ, бу тэрээһин биһиги бастыҥ үөрэнээччилэрбитигэр анаммыт дьоһун күн буолла. Кинилэр үөрэххэ, кэрэ эйгэҕэ, үөрэтэр-чинчийэр эйгэҕэ, айар-тутар эйгэҕэ уонна спорт эйгэтигэр ыйыллар 5 хайысхаҕа сыл устата оҥорбут үрдүк ситиһиилэрин иһин үөрүүлээхтик наҕараадаланнылар. Бу – күүстээх үлэ, дьулуур уонна билии көдьүүһүн бэлиэтэ! Оҕолорбут ситиһиилэрэ, инникигэ дьулуурдара оскуолабыт кэскилэ үүнэ-сайда турарын туоһулуур. Саха сирин кэскилэ – биһиги оҕолорбут, кинилэр уһулуччу талааннара! Бары үөрэнээччилэрбитигэр, төрөппүттэргэ уонна учууталларга ытыктабылынан туолан барҕа махталбытын тиэрдэбит!