"ЭР КИҺИ ЫЛЛААТАҔЫНА-2026" — 4 мая 2026 г. в 01:28:14.826
"ЭР КИҺИ ЫЛЛААТАҔЫНА-2026" Арассыыйаҕа Сомоҕолоһуу, Саха өрөспүүбүлүкэтигэр Култуура, Сунтаар улууһун номоҕун уонна сайдыытын сылларыгар аналлаах норуот айымньытын театральнай киинэ «Партизан» иһинэн, «Өрөгөй» эр дьон вокальнай бөлөҕүн көҕүлээһининэн эр дьон, уолаттар биирдиилээн уонна бөлөҕүнэн ыллааһын таһымын үрдэтии, элбэх куолаһынан ыллыыр дьоҕуру сайыннарыы, ус-уран салайааччы таһымын үрдэтии, биир идэлээхтэри кытта алтыһыы, репертуаары хаҥатыы соруктаах «Эр киһи ыллаатаҕына - 2026» бу сыл муус устар 28 күнүгэр үһүс төгүлүн буолан ааста. Тэрийээччилэр улууска эр дьон бөлөҕүнэн ыллааһына сайдыбакка турарыттан инники сылларга ыытыллыбыт “Эр киһи ыллаатаҕына» күрэскэ кыттааччы ахсаана аҕыйаҕын бэлиэтээтилэр. «Эр киһи ыллаатаҕына-2026» күрэскэ барыта 51 киһи. Сунтаар, Куокуну, Сиэйэ, Уһун Күөл, Дьаархан нэһилиэктэриттэн кытыыны ылла. Быйыл кыттааччы алын кылаас оскуола оҕолоруттан саҕалаан кыттыбыттара олус кэрэхсэбиллээх. «Эр киһи ыллаатаҕына -2026» күрэскэ спонсордаабыт Сунтаар култууратын саламтатыгар (Омукова С.Д.), «Партизан» КК (Федоров А.М.), «Өрөгөй» эр дьон бөлөҕөр (Уларов Б.М.), «Көҕүөр» хор кыттыылаахтарыгар (Иванова М.И.), «Көлүкэчээн» ырыа бөлөҕөр (Евсеева Г.Н.), «Хатан» уол оҕо ырыа бөлөҕүн төрөппүттэригэр (Пахомова Э.Н.) муҥура суох махталбытын тиэрдэбит. Уол оҕо, эр дьон ырыа эйгэтигэр сыстан, ситэн - хотон үрдүк таһымҥа тахсыыта салайааччы утумнаах, өр сылаах үлэтиттэн тутулуктаах. Юлия Филиппова, Зинаида Колесова, Ирина Лукина, Марта Тимофеева, Роман Амонов үөрэнээччилэрэ сылтан сыл тупсан иһэллэр, ситиһиилэрэ үрдүк. Ырыаһыттар репертуардарыгар эбии композитордар ырыаларын киллэрэн, куоластарын кэрэтин байытан, сайыннаран иһиэхтэригэр баҕарабыт. Күрэс арыйыытынан буоллулар эдэр ырыа айаачылар, Милан Алексеев, «Өрөгөй» эр дьон вокальнай бөлөҕө улууспутугар эр дьон бөлөҕүнэн ыллааһына сайдарын туһугар бу күрэҕи тэрийэн эр дьону көҕүлүүр. Төрөөбүт Сунтаарбытыгар эр киһи ырыата ыраахха дуорайдын, кэрэҕэ, эйэҕэ сирдээтин. Тен Арылхан - "Аҕа дойду сэриитин ырыаларыгар попурри" - 2 үктэл; Корякин Дамир - «Аист на крыше» - 3 үрдэл; Данилов Толя - «Өбүгэ оонньуулара» - 1 үктэл; Христофоров Арслан - «Айыы оҕотобун» - 2 үрдэл; Потапов Никита - «Сааскы суурэннэр» - 1 үрдэл; Петров Руслан Ионович - «Сардаана» - Номинация.