«Гармония» ансаамбыл ситиһиитэ — аан дойду таһымыгар!
«Гармония» ансаамбыл ситиһиитэ — аан дойду таһымыгар! Кытай Өрөспүүбүлүкэтигэр аан дойду таһымнаах «Дыхание Севера» диэн ааттаах норуоттар икки ардыларынааҕы бэстибээл-куонкурус буолан ааста. Бу күрэх Арассыыйаҕа Норуоттар сомоҕолоһууларын сылын чэрчитинэн ыытыллыбыта. Күрэхтэһиигэ Кытай, Арассыыйа уонна Саха сирин уопсайа 100-тэн тахса талааннаах оҕолоро кытыннылар. Бу киэҥ хабааннаах күрэххэ биһиги оскуолабыт киэн туттуута — Ким Осипов аатынан «Гармония» ансаамбыл II истиэпэннээх Лауреат аатын сүктэ! Ону таһынан, биирдиилээн толорууга 5-с кылаас үөрэнээччитэ Айыына Степанова дьоҕурун арыйан, I истиэпэннээх Лауреат үрдүк ааты ылан, барыбытын үөртэ. Бу улахан ситиһии иһин оҕолорбутун уонна кинилэри уһуйар салайааччыларын — Валерия Норбертовнаны — итиитик-истинник эҕэрдэлиибит! Инникитин даҕаны саҥа үрдэллэри дабайа туруохтарыгар баҕарабыт!