Хампаҕа "Үрүҥ Уолан-2026" успуорт күрэҕэ буолла
Хампаҕа "Үрүҥ Уолан-2026" успуорт күрэҕэ буолла Кулун тутар 20-21 күннэригэр Хампа сэлиэнньэтигэр анал байыаннай дьайыы кыттыылаахтара, "Эр санаа" (Орден Мужества) уордьан кавалердара Валерий Александрович Сивцев, Николай Николаевич Сивцев уонна Петр Егорович Иванов сырдык кэриэстэригэр анаммыт, оскуола үөрэнээччилэрин икки ардыгар "Үрүҥ Уолан-2026" улуустааҕы успуорт төрүт көрүӈнэригэр күрэх ыытылынна. Күрэххэ Бүлүү улууһун үөрэх тэрилтэлэрин үөрэнээччилэрэ саастарынан араарыллан кытыннылар: I категория — 2012-2013 с.т. II категория — 2010-2011 с.т. III категория — 2008-2009 с.т. Күрэхтэһии көрүҥнэрэ: • Бэрэмэдэйдээх 54 миэтэрэҕэ сүүрүү; • Икки төгүл үс ыстаӈа; • Тутум эргиир; • Хапсаҕай; • Мас тардыһыы. Биһиги оскуолабытыттан Касьян Болтунов, Владимир Герасимов, Василий Петров, Тимур Прокопьев уонна Айаал Шамаев кыттыыны ыллылар. Биирдиилэн көрүӈнэргэ: Василий, Айаал бэрэмэдэйдээх сүүрүүгэ 2 миэстэ, хапсаҕайга Айаал 1 миэстэ, тутум эргииргэ Василий 3 миэстэ, Айаал 2 миэстэ, Тимур 3 миэстэ, ыстаныыга Василий 2 миэстэ буоллулар. Герасимов Владимир "Кыайыыга дьулуурун иһин" анал бирииһи тутта. Уопсай түмүккэ 2008-2009 сыллаах уолаттарга Шамаев Айаал 2 миэстэ буолла уонна 15000 солк. наҕараадаланна. Уолаттары "Үрүҥ Уолан-2026" көхтөөхтүк кыттыбыккытынан уонна ситиһиилэргитинэн эҕэрдэлиибит! Күрэхтэһиигэ кыттыы бэйэтэ улахан кыайыы! Эһиги бэйэҕитин боруобалаатыгыт, утарсааччыларгытын кытта тэҥҥэ кииристигит, эрчиллиигэ дьулуургутун көрдөрдүгүт. Кыайыы – дьарыктан, тулууртан уонна дьоҕуртан саҕаланар. Инникитин даҕаны спортка тапталгытын сүтэрбэккэ, доруобай, күүстээх уонна бөҕө санаалаах буолуҥ! Оҕолор тренердэригэр Алковиад Алковиадович Ивановка, Федор Акимович Харлампьевка махталбытын тиэрдэбит. Саҥа үрдэллэри дабайа туруҥ!