Сунтаар улууһугар ыытыллар "Айан күрэс" улуустааҕы бэстибээл чэрчитинэн, Тойбохой орто ... — 10 марта 2026 г. в 16:23:08.475
Сунтаар улууһугар ыытыллар "Айан күрэс" улуустааҕы бэстибээл чэрчитинэн, Тойбохой орто оскуолатыгар саха тылын уонна литэрэтиирэтин үрдүк категориялаах учуутала, бэйэтин ураты дьарыгынан, уһуйар талаанынан биллэр Татьяна Григорьевна Михайлова "Кинилэр Тойбохой аатын ааттаппыттара" диэн аһаҕас кылаас чааһын ыытта. Бу дьоһуннаах кылаас чааһын сүрүн сыалынан Тойбохой нэһилиэгиттэн төрүттээх, айылгылаах талааннарынан, үлэлэринэн-хамнастарынан төрөөбүт дойдуларын аатын ааттаппыт дьоммутун үөрэнээччилэргэ билиһиннэрии, кинилэр холобурдарыгар олоҕуран ыччаты төрөөбүт дойдуга таптал, киэн туттуу тыыныгар иитии буолла. Учуутал оҕолорго араас кинигэлэри, хаартыскалары көрдөрөн, Тойбохойтон тахсыбыт биллиилээх дьон олохторун, айымньыларын уонна ситиһиилэрин туһунан сэһэргээтэ. Кылаас чааһа оҕолорго олус интэриэһинэй уонна өйдөнүмтүө буолан ааста. Маннык тэрээһиннэр эдэр көлүөнэҕэ төрүт үгэстэри өйдүүргэ, төрөөбүт дойдуларын дьонунан-сэргэтинэн киэн туттарга, инникигэ эрэллээхтик көрөргө көмөлөһөллөр. Оскуолабыт салалтата Татьяна Григорьевнаҕа үтүө үлэтин, дьулуурдаах дьарыгын иһин дириҥ махталбытын тиэрдэбит!