Лаптев Айсен Анатольевич, улууспут биир күүстээх уонна биллиилээх саахымаччыта, өй оонн... — 11 марта 2026 г. в 13:47:39.708
Лаптев Айсен Анатольевич, улууспут биир күүстээх уонна биллиилээх саахымаччыта, өй оонньууларын сөбүлүүр ыччат наставнига, биһиги оскуолабытыгар ыалдьыттаан барда. Кини шахмат оонньуутун сайдыытыгар улахан кылааты киллэрэр киһи буоларын быһыытынан, оҕолорго анаан дьоһуннаах маастар-кылааһын ыытта. Айсен Анатольевич кэлэн, саахымат кистэлэҥнэрин, толкуйдуур араас ньымаларын, стратегическай хамсаныылары оҕолорго быһааран көрдөрдө. Маастар-кылаас кэмигэр оҕолор Айсен Анатольевичтыын кэпсэттилэр, ыйытыы биэрдилэр, бэйэлэрин дьоҕурдарын холонон көрдүлэр. Бу дьарык оҕолорго саахымат оонньуутун өссө дириҥник өйдүүргэ, оонньууга интэриэстэрин уонна дьоҕурдарын сайыннарарга күүс-көмө буолла. Оскуолабыт салалтата уонна үөрэнээччилэрбит Лаптев Айсен Анатольевичка кэлэн, кэрэхсэбиллээх маастар-кылааһын ыыппытын, оҕолорбутун саҥаҕа уһуйбутун иһин дириҥ махталбытын тиэрдэбит! Инникитин даҕаны маннык үтүө үлэлэр салҕаналларыгар эрэнэбит.