Актанышта бүген зур бәйрәм — “Киләчәккә адым” балалар техник иҗат фестиваленең йомгакла... — 14 мая 2026 г. в 16:59:35.637
Актанышта бүген зур бәйрәм — “Киләчәккә адым” балалар техник иҗат фестиваленең йомгаклау тантанасы узды. Чарада Актаныш районы башлыгы Ленар Зарипов катнашты. Фестиваль Әлфия Авзалова исемендәге район мәдәният сарае фойесында укучылар, студентлар һәм балалар бакчасы тәрбияләнүчеләре эшләгән техник иҗат күргәзмәсе белән ачылды. Проект 2021 елда старт алган. Аның төп бурычлары: укучыларның иҗади активлыгын арттыру, проект, тикшеренү, конструкторлык һәм уйлап табу эшчәнлеген популярлаштыру. Фестиваль фән, техника һәм инновацияләр белән кызыксынучы, белемгә омтылучы, яңа ачышларга битараф булмаган яшь буынны берләштерә. Тантанада Хабирова Айсинә диплом һәм сертификат белән бүләкләнде. Кадыйров Вилдан да диплом алды. Укучыларны һәм аларны әйдәп барган остазларны да чын күңелдән тәбриклибез! Бу уңышларыгыз тагын да зуррак казанышларга этәргеч булсын.👏