МБОУ «Жарханская СОШ-И им. Б.Г. Игнатьева» МР "Сунтарский улус (район)"
Образование · 18 мая 2026 г.
Аан дойдутааҕы түмэллэрин күнүнэн! — 18 мая 2026 г. в 10:28:34.929
Аан дойдутааҕы түмэллэрин күнүнэн! Бүгүн, ыам ыйын 18 күнүгэр, Аан дойдутааҕы түмэллэрин күнүгэр, биһиги оскуолабытыгар дьоһуннаах тэрээһин ыытылынна. Бу күн оскуолабыт "Истоки" диэн түмэлин салайааччыта Анна Алексеева уонна Дьаархан нэһилиэгин түмэлин сөргүтээччитэ Борис Николаев ыалдьыттаан, оскуолабытыгар харалла сытар сэдэх экспонаттар тустарынан олус интэриэһинэй кэпсээннэри оҥордулар. Тэрээһин кэмигэр 2-11 кылаастар үөрэнээччилэрэ эрдэ бэриллибит сорудахтарын толорон, "История нашей школы в лицах" диэн тиэмэҕэ чинчийэр үлэлэрин көмүскээтилэр. Оҕолор хомуйбут сыаналаах матырыйаалларын уонна дааннайдарын оскуолабыт түмэлин салайааччыларыгар үөрэн-көтөн туттардылар. Бу курдук тэрээһиннэр оҕолорбут төрөөбүт дойдуларыгар, оскуолаларыгар тапталларын үрдэтэр, устуоруйаны үөрэтэргэ баҕа санааны үөскэтэр. Дьаархан оскуолатын пресс-киинэ