МБОУ «Жарханская СОШ-И им. Б.Г. Игнатьева» МР "Сунтарский улус (район)"
Образование · 21 апреля 2026 г.
Оскуолаҕа Аан дойдутааҕы өйдөбүнньүктэр уонна устуоруйа миэстэлэрин күнүгэр анаммыт суб... — 21 апреля 2026 г. в 06:34:55.963
Оскуолаҕа Аан дойдутааҕы өйдөбүнньүктэр уонна устуоруйа миэстэлэрин күнүгэр анаммыт субуотньук буолан ааста Муус устар 20 күнүгэр биһиги оскуолабытыгар субуотньук тэрилиннэ. Бу тэрээһиҥҥэ үөрэнээччилэр да, оскуола үлэһиттэрэ да көхтөөхтүк кытыннылар. Сүрүн сорукпутунан нэһилиэкпитигэр улахан суолталаах эбийиэктэр: «Аҕа дойду Улуу сэриитин сылларыгар өлбүт буойун-биир дойдулаахтарбыт пааматынньыга» уонна «Албан аат сквера» тулатын ыраастааһын буолла. Кыттааччылар сомоҕолоһон хаары тастылар, сири-уоту бэрээдэктээтилэр, бу миэстэлэр өрүү ыраас уонна көрүүлээх буолалларын туһугар күүстэрин уурдулар. Субуотньук истиҥ, доҕордоһуу тыынынан ааста. Бары кыттааччылар эппиэтинэстэрин уонна үлэһиттэрин көрдөрдүлэр, онтон түмүгүнэн пааматынньыктар тулалара ыраас уонна тупсаҕай буолла. Бу тэрээһин устуоруйа өйдөбүнньүгүн харыстааһыҥҥа уонна дьон ситимин бөҕөргөтүүгэ өссө биир хардыы буолла. Дьаархан оскуолатын пресс-киинэ