МБОУ «Жарханская СОШ-И им. Б.Г. Игнатьева» МР "Сунтарский улус (район)"
Образование · 16 мая 2026 г.
Аан дойдутааҕы дьиэ кэргэн күнүгэр анаан оскуола көҕүлээһининэн сэттэ түһүмэхтээх «Сэтт... — 16 мая 2026 г. в 00:00:56.544
Аан дойдутааҕы дьиэ кэргэн күнүгэр анаан оскуола көҕүлээһининэн сэттэ түһүмэхтээх «Сэттэ төгүл мин» күрэс буолла. Хас кылаас аайыттан төрөппүт оҕотунаан кытынна. Бииртэн биир интэриэһинэй түһүмэхтэри оскуолабыт педагогтара ыыттылар. Ол курдук, «Мин дьиэ кэргэним реликвията» түһүмэххэ төрүттэриттэн хаалбыт харыстаан илдьэ сылдьар малларын устуоруйатын кэпсээтилэр. 7-с кылаас кыттааччылара быраас эбэлэрин тутта сылдьыбыт тэриллэрин оскуола түмэлигэр туттаралларын биллэрдилэр. Оттон «Уруу-аймах сахалыы ааттара» түһүмэххэ кыратык да буоллар ыарырҕаттылар. Билбэттэрин билэн төрөппүт да, оҕо да астынна. Дьаархан оҕолоро бары да кэриэтэ төрөппүттэрин «ийэ», «аҕа» диэн ыҥыраллар. Ол бэйэтэ туспа кэпсээннээх. Эт-хаан тургутуутутугар ким түргэнин, сымсатын быһаардылар. «Ыалдьан», ыһыытаан-хаһыытаан да ыллылар. Төрдүс «Полиглот» түһүмэххэ аймахтыы түүр омукка уруу аата хайдах ааттанарын таайдылар. «Миигин өйдөө» бу түһүмэх аата да этэринии тыл быктарбакка 5 малы хамсанан көрдөрүү буолла. Музыкальнай түһүмэххэ аныгы үйэ тылынан тренд буолбут ырыалар толорооччуларын аатын таайыы. Ырыаны истэн билэн ыллаһа да олордоллор да, тас көстүүтүн, олоҕун кэрчиктэрин кэпсээтэллэр да, аныгы толорооччу аатын билбэттэриттэн күлсэн да биэрдилэр. «Сонордьут» (квест) — бэриллибит сорудаҕы толорон оскуола устун төрөппүт оҕотунаан эппиэттэри көрдөөтө. Бүтэһик таабырын таайыытын кытта селфилаан кэллилэр. Ураты түһүмэхтэрдээх тэрээһин буолан оҕолор да, төрөппүттэр да сэргэхсийэн, астынан тарҕастылар. Анна Маркова, Дьаархан