🕊️Саас, Үлэ, Эйэ бырааһынньыга – элбэх омуктаах Ийэ дойдубут норуоттарыгар бу күн ...
🕊️Саас, Үлэ, Эйэ бырааһынньыга – элбэх омуктаах Ийэ дойдубут норуоттарыгар бу күн доҕордоһуу уонна тэҥ бырааптаныы, эйэлээх олох уонна көҥүл буолуу умнуллубат бырааһынньыга буоларынан уратылаах. 🕊️Пиэрибэй Маай бырааһынньыга үлэһит дьон аан дойдутааҕы сомоҕолоһууларын күнэ. Өссө ааспыт үйэттэн төрүттэммит үгэс салҕанар, маннык бырааһынньык 70-ча судаарыстыбаҕа бэлиэтэнэр. Бу бэлиэ күн киһи аймах көҥүлүн, сиэрдээх, түмсүүлээх уонна инникигэ эрэллээх, дьулуурдаах буолуу сыаннастарын мэктиэлиир. 🕊️Үлэ, Эйэ бырааһынньыгар Бэрдьигэстээх нэһилиэгин баһылыга Алексей Григорьевич Аргунов нэһилиэнньэҕэ сылы эргиччи өҥө оҥорор үлэһит дьоҥҥо С.С.Григорьевка, С.П.Мамаевка, Н.Н.Уйгуровка, М.А.Даниловка, С.В.Сыромятниковка, Г.А.Адамовка эҕэрдэ, махтал тылларын анаан туран Махтал суруктары туттартаата👏🏼👏🏼👏🏼 🎉Үөрүүлээх тэрээһини ылбаҕай ырыаларынан киэргэттилэр С.П.Данилов аатынан Бэрдьигэстээх орто оскуолатын 4 “а” кылааһын уолаттарын ансаамбыла, салайааччы Марианна Николаевна Никитина, улуустааҕы кииннэммит балыыһа эдэр ыччаттарын вокальнай ансаамбыла, кэрэ куолас Пелагея Пахомова, «Сыдьаайа» вокальнай ансаамбыл, салайааччы Татьяна Михайловна Бурнашева. 🕊️Бары бииргэ биир санаалаах, түмсүүлээх үлэбитинэн ылсыбыт дьыалабытын олоххо киллэриэҕиҥ, туруоруммут сорукпутун хас биирдиибит улууспут сайдыытыгар толоруоҕуҥ, уйгулаах олохтонуоҕуҥ, эйэлээх, сайдыылаах, сомоҕолоһуулаах буолуоҕуҥ!