Ньурбаҕа Саха бастакы бэйиэт дьахтара Варвара Потаповаҕа аналлаах хоһоон дьоро түһүлгэт... — 13 мая 2026 г. в 09:26:34.556
Ньурбаҕа Саха бастакы бэйиэт дьахтара Варвара Потаповаҕа аналлаах хоһоон дьоро түһүлгэтэ ситиһиилээхтик ааста! Саха бастакы бэйиэт дьахтара, талааннаах суруйааччыбыт, биир дойдулаахпыт Варвара Потапова төрөөбүтэ 80 сылын көрсө, Ньурба оройуонугар дьоһуннаах тэрээһин буолан ааста. «Үүнэр үйэлэргэ үрүҥ алгыс» диэн ааттаах хоһоон дьоро түһүлгэтэ Никииппэр Сэмиэнэп аатынан норуот айымньытын киинигэр ыытылынна. Бу кэрэ киэһэҕэ кэлбит ыалдьыттар поэт айбыт ураты иэйиилээх, киһи уйулҕатын хамнатар, бөлүһүөктүү дириҥ толкуйдаах хоһооннорун иһиттилэр. Варвара Потапова кылгас, ол эрээри уустук олоҕун, ис сүрэҕинэн, дууһатынан көҥүлгэ хорсуннук дьулуспут поэтесса айымньыларын туһунан сиһилии билиһиннэрии дьоро киэһэтэ буолла. Кини айымньылара, биһиги норуоппут олоҕун, үгэстэрин, кэрэтин арыйар, үйэлэртэн үйэлэргэ бэриллэр алгыс курдук тыыннаах буолаллар. Варвара Потапова сырдык аата Ньурба оройуонун култууратын сайдыытыгар үйэтийэр, кини айымньыта эдэр ыччакка үтүө холобур буолар. Поэзияны сэргиир-сэҥээрэр, кэрэ тылга умсугуйар бар дьоммут бу ураты дьоро киэһэҕэ көхтөөх кыттыыны ылбыттарыгар барҕа махталбытын тиэрдэбит! Никииппэр Сэмиэнэп аатынан норуот айымньытын киинэ