Бүгүн, муус устар 27 күнүгэр, Саха Республикатын күнүгэр анаммыт тэрээһиннэр Малдьаҕар ... — 27 апреля 2026 г. в 09:10:17.124
Бүгүн, муус устар 27 күнүгэр, Саха Республикатын күнүгэр анаммыт тэрээһиннэр Малдьаҕар нэһилиэгэр үөрүүлээхтик аастылар. Олохтоохтор, нэһилиэкпит сайдыытыгар кылааттарын киллэрбит дьоһун дьоммутун ахтан-санаан, билиибит далааһынын кэҥэтэн, түмсүүлээх күнү атаардыбыт. 12:30 чаастан саҕалаан, Малдьаҕар олохтоохторо ини-бии Донскойдар мэҥэлэригэр мустан, кинилэргэ дириҥ ытыктабылбытын уонна өйдүү -саныы сылдьарбытын биллэрэн, сибэкки дьөрбөлөрүн уурдубут. Бу ытык тэрээһиҥҥэ Малдьаҕар нэһилиэгин тыа сирин түөлбэтин баһылыгын солбуйааччыта Семенова Любовь Михайловна, өр сылларга баһылыгынан үлэлээбит Никита Афанасьевич Иванов уонна олохтоох бибилэтиэкэ үлэһитэ Елена Никоновна Иванова эҕэрдэ тылларын эттилэр. Бу үөрүүлээх түгэҥҥэ биһиги эдэр кэскилбит — 14 саастарын туолбут Иванова Динараҕа, Петров Артемҥа, Николаев Валентинҥа — Арассыыйа Бэдэрээссийэтин гражданинын ытык бэлиэтэ, паспорт туттарылынна! Сахабыт сирин кэскилин тутааччылара буола улаатыҥ!