Бэҕэһээ кулун тутар 7-с күнүгэр Бөтүҥ нэһилиэгин олохтоохторо, далбар хотуттара бырааһы... — 8 марта 2026 г. в 06:33:19.756
Бэҕэһээ кулун тутар 7-с күнүгэр Бөтүҥ нэһилиэгин олохтоохторо, далбар хотуттара бырааһынньыктарыгар ыҥырыылаах ыалдьыттар буолан ыҥырыллан тиийэн наһаа үчүгэйдик сынньанан кэллибит. Ырыа бөҕөтүн ыллаан, араас көрүҥнээх оонньууларыгар кыттан приз бөҕөтүн хоточчу сүгэн кэллибит. Ыллыыр ырыаһыт уолаттар Вячеслав Корнилов, Владимир Петров, Дмитрий Эверстов кэрэ куоластарынан ыллаан бырааһынньыгы олус да киэргэттилэр. Петр Калачев араас эгэлгэ оонньуулары, призтээн, олус интэриэһинэйдик тэрийэн ыытта. Маннык үтүө дьоро киэһэни тэрийэн, салайан ыыппыт Николай Афанасьев- Айдамаҥҥа иилээн саҕалаан ыытан наһаа бэһиэлэй, ис сүрэхтэн тахсар сырдык иэйиилээх тэрээһини ыыппытыгар барҕа махтал. Бөтүҥ олохтоохторугар барыларыгар Өкүндү нэһилиэгин далбар хотуттарын ааттарыттан махтал улаханын аныыбыт. Күндү бар дьоммут дьоллоох доруобай буолуҥ. Куруук маннык бэһиэлэй олоххо, сырдыкка тардыһар сүдү күүстээх буолуҥ диэн алгыспытын аныыбыт. Биһигини массыына көлөннөн хааччыйбыт дьаһалтабытыгар Алексей Васильевич Шадриҥҥа, суоппарынан сылдьыспыт Илья Николаевич Федоровка махтал улаханын тиэрдэбит. Анна Мандарова - Харатай кыыһа Өкүндү