🚩 Муус устар 27 күнүгэр Таркаайы нэһилиэгэ 1⃣9⃣0⃣, Хатыҥ-Сыһыы 1⃣3⃣0⃣ Үбүлүөйдээх сылл... — 28 апреля 2026 г. в 06:10:18.619
🚩 Муус устар 27 күнүгэр Таркаайы нэһилиэгэ 1⃣9⃣0⃣, Хатыҥ-Сыһыы 1⃣3⃣0⃣ Үбүлүөйдээх сылларыгар, САХА ӨРӨСПҮҮБҮЛҮКЭТИН күнүгэр аналлаах нэһилиэк Түөлбэлэрин "БАСТЫҤ ТҮӨЛБЭ" күрэхтэһии чэрчитинэн А.А. Моргусов аатынан "ТАЛБА" Н.А.Дь. успуорт киэҥ уораҕайыгар "Көрү-нары оройуттан тутан" бэһиэлэй күрэхтэһии ыытылынна. Түөлбэлэртэн 6-ыы киһилээх хамаанда турда. 2 кэрэ аҥар, 2 эр киһи, 2 оҕо (1 уол оҕо, 1 кыыс оҕо улахан кылаас оҕолоро) кыттан, күөн көрсө күрэхтэстилэр. Биэс түөлбэттэн "Саһарҕа" түөлбэ хомойуох иһин кыттыбата, кыттааччылара суох буолан. Түөрт түөлбэбит хамаандалара 9 түһүмэхтээх күрэх былдьаһан сытыы-ньыгыл кыттааччыларбыт сымсатык кииристилэр. 8 түһүмэхтээх күрэххэ киирдилэр: 1. Мээчиктээх сүүрүү. 2. Күөҕүлээһин. 3. Канат тардыһыы. 4. Үрэх туорааһына. 5. Ходунокка хаамыы. 6. Сүүрүү "Паровоз". 7. Мас тардыһыыта. 8. Мэһэйдээх сүүрүү (бочка үрдүнэн ойуу) уонна Түөлбэлэр биирдии асчыт дьоннорун анаан сонун көрүҥү аһаҕас халлаан анныгар Илиҥҥи норуоттар маанылаах астарын Плову буһарыы ааста. Түөлбэлэр буһарар састааптарын, иһиттэрин-хомуостарын, оһохторун, казаннарын илдьэ кэлтэр. Күрэх сыанабылынан бүлүүдэ астаан, киэргэтэн ууран биэрии уонна буоларын курдук, амтанын мааныта учуоттанна. Плов буһарыытын дьүүллээтэ "Таркаайы нэһилиэгин" тыа сирин түөлбэтин дьаһалтатын дьүүллүүр сүбэтэ. 🌟 Күрэх уопсай түмүгүнэн кыайыылаах таҕыстылар: 1-миэстэ "Сардаҥа" түөлбэ хамаандата, салайааччы О.М.Андреева, 2-миэстэ "Юбилейнай" түөлбэ, салайааччы Нь.В.Матросова, 3-миэстэ "Эрчим" түөлбэ, салайааччы Ф.Н.Ефремова., 4-миэстэ "Аартык" түөлбэ, салайааччы М.К.Васильева. Плов буһарыытын түмүгүнэн кыайыылаах таҕыстылар: "Бастыҥ плов" буһарааччы "Юбилейнай" түөлбэттэн Герман Степанович Тобонов. Номинацияҕа киирдилэр: "Амтаннаах Плов" - "Эрчим" түөлбэттэн Васильева Заремма Николаевна, "Сардаҥа" түөлбэттэн Аян Нюргунович Дмитриев уонна "Аартык" түөлбэттэн Алена Михайловна Мостахова, Надежда Семеновна Алексеева. Күрэхпит түмүгэр кыттааччыларбыт, көрөөччүлэрбит Түөлбэлэр амтаннаах пловторын амсайдылар, тото-хана сиэтилэр. Күрэхтэһээччилэрбит бары үрдүк көхтөрүн таһынан, саха киһитин сиэрин-майгытын, кутун-сүрүн, дьулуурун уонна тулуурун 9 араас көрүҥнээх күрэххэ толору көрдөрдүлэр. Маны таһынан нэһилиэкпит тыа сирин түөлбэтин аҕа баһылыгын солбуйааччыта Юмшанов Е.М. эҕэрдэ этиитэ, кулууп үлэһиттэрин, нэһилиэк талааннаах ырыаһыттарын эҕэрдэ ырыалара уонна түмүгэр биир сомоҕо буолан Саха омук саамай тэнийбит, дьону түмэр бастыҥ Күн үҥкүүтүгэр, түмэл оһуохайынан түмүктээтибит. Оһуохай тылын эттэ Саха сирин сүрүн этээччитэ, фольклорист, олоҥхоһут, тойуксут, хомусчут, методист Никита Борисович Семенов - Куорсун. Күрэхпит олус табылынна, сүргэбит көтөҕүлүннэ, мэктиэтигэр сүөм үрдээтибит. Бары түөлбэлэргэ кыттыыны ылбыккытыгар барыгытыгар барҕа махтал буолуохтун! Ытыктабыллаах Таркаайы нэһилиэгин олохтоохторо! Эһигинниин үтүө санаа, дьол, эйэ эрэ баар буоллун. Куруук биир сомоҕо, биир улахан дьиэ кэргэн буолан дойдубутун сайыннара туруоҕуҥ! Сайда-үүнэ, чэчирии тур, тапталлаах Таркаайыбыт сирэ!