*Саха Өрөспүүбүлүкэтин сэрии, тыыл уонна үлэ бэтэрээннэрин Сэбиэтэ тэриллибитэ 40 сылыг... — 22 августа 2026 г. в 06:08:02.750
*Саха Өрөспүүбүлүкэтин сэрии, тыыл уонна үлэ бэтэрээннэрин Сэбиэтэ тэриллибитэ 40 сылыгар аналлаах эстэпиэтэ.* Саха сирин үрдүнэн ыытыллар дьоһун суолталаах тэрээһин — Сэрии, тыыл уонна үлэ бэтэрээннэрин Сэбиэтэ тэриллибитэ 40 сылын көрсө Кыһыл Знамяны туттарыы сиэрэ-туома Хаҥалас нэһилиэгэр буолан ааста. Үтүө үгэскэ кубулуйбут бу эстафета көлүөнэлэр ситимнэрин бөҕөргөтөр, устуоруйаны үйэтитэр соруктаах. Кыһыл Знамяны *Үөдэй* нэһилиэгин баһылыга Мария Пудовна Николаева салайааччылаах дэлэгээссийэ *Хаҥалас* нэһилиэгэр туттарда. *Варвара Андреевна Петрова аатынан кыраайы үөрэтэр түмэл* салайааччыта Зинаида Васильевна Анисимова, Муниципальнай сулууспа бэтэрээнэ, *«Гражданскай килбиэн»* бэлиэ хаһаайына Николай Васильевич Николаев мустубут дьону эҕэрдэлээн туран, бу бэлиэ күн суолтатын туһунан истиҥник эттилэр. Тэрээһини киэргэппит *Алаас Хотуна* түмсүү эбээлэрбитигэр, ону сэргэ көхтөөх кыттыыны ылбыт оҕолорбутугар махталбытын тиэрдэбит. Бу курдук, эйэни, үлэни уонна дойдуга тапталы өрө туппут көлүөнэлэрбит үтүө холобурдара умнуллубакка, салҕана турдун! ✍️Анжелика Васильева