Сунтаарга саха тылын көрсө кырачааннар оһуохайга эргийдилэр.
Сунтаарга саха тылын көрсө кырачааннар оһуохайга эргийдилэр. Ийэ тыл илбиһин, кэрэтин, күүһүн-уоҕун оһуохайга түһэрэн кырачаан этээччилэр "Байҕал" бассейн муҥунан оһуохайдаан доллоһуттулар. Манна 6 саастаах этээччиттэн саҕалаан, барыта 22 оҕо холонон көрдө. Бука бары сахалыы мааны таҥаһы сайбаччы кэтэн, уу сахалыы тылы-өһү туһанан омуннаах оһуохайга эргийиилэрэ көрүөххэ эриэккэс🥰👏👏👏 Онтон салгыы Сунтаар улууһа төрүттэммитэ сурукка киирбитэ 225 сылыгар, төрөөбүт тыл, сурук-бичик күнүгэр аналлаах уран тыл маастара Афанасьев А.Н. – Сэһэн Өлөксөй сырдык кэриэһигэр ыытыллар XIII-с аһаҕас “Аман Өс” куолуһуттар күрэстэрэ саҕаланна. Манна сааһыттан тутулуга суох 12 күрэстэһээччи тыл сүмэтин, баайын арыйан араас тиэмэлэргэ күөн көрсүөхтэрэ👍👍👍 Бу курдук тыл күнэ оҕолорго умнуллубат үтүө түгэнинэн буоллун🙌