ПИОНЕР КҮНЭ - ПИОНЕР ДЬИЭТИН КЫТТА СИТИМНЭЭХ — 20 мая 2026 г. в 03:46:08.421
ПИОНЕР КҮНЭ - ПИОНЕР ДЬИЭТИН КЫТТА СИТИМНЭЭХ Ыам 19 күнэ 1922 сылтан инньэ СССР саҕаттан бэлиэтэнэр пионер күнэ. Бу күнү Сунтаарга оҕо дьоҕурун сайыннарар киин куруутун бэлиэтиир. Сунтаарга 1959 сыллаахха ПИОНЕР ДЬИЭТЭ аһыллыбыта. Бу дьиэ сүрүн киһитэ Надежда Родионова. Надежда Михайловна Родионова - ааттаах уһуйааччы уонна салайааччы. Кини Сунтаардааҕы Оҕо дьоҕурун сайыннарар кииҥҥэ 31 сыл устата эҥкилэ суох үлэлээбитэ. 2019 сыллаахха бу дьиэ кини аатын сүкпүтэ. Надежда Михайловна тыыннааҕар бу күнү тэрилтэтэ өрөгөйдөөхтүк бэлиэтиирэ. Билигин да пионер күнүн оҕо дьоҕурун сайыннарар киин улаханнык суолталыыр. Пионер күнүн көрсө "Пионер саҕаттан билиҥҥи диэри оҕо сүрэҕин умата" диэн Надежда Родионова сырдык аатын үйэтитэн тэрээһин ыытыллар үтүө үгэстээх. Быйылгы тэрээһиҥҥэ киин 19 үлэһитэ пионер хамсааһынын тэҥҥэ тутан үөрэхтээһин туһунан үлэлэрин билиһиннэрдилэр. Онтон биирдэстэрэ Лего Ленд буолар, онтон уһуйааччы Зинаида Иванова пионер кэмин санатар поход тэрийбит. Ол кэрэ кэми ахта, оҕо үтүөҕэ, үлэҕэ бэлэмин саната пионер күнэ бэлиэтэннэ. Бу бэлиэ түгэн Сунтаарга оҕо дьоҕурун сайыннарар киини уонна Надежда Михайлова Родионованы кытта ыкса ситимнээх @TUSCU.