,, Кэрэмэстэр,, куораттаатылар. — 22 мая 2026 г. в 00:08:34.165
,, Кэрэмэстэр,, куораттаатылар. Сунтаардааҕы оҕо дьоҕурун сайыннарар киин иһинэн үлэлиир ,, Кэрэмэс,, мини - театр бу күннэргэ Дьокуускай куоракка НВК фондатыгар уһулла барда . Барыахтарын иннинэ, сахалыы астаах сандалылаах ,, Бартыһаан ,, норуот айымньытын театральнай киинигэр , биһиги киэн туттар , дириӈ ис хоһоонноох айымньылары суруйан хаалларбыт улуу суруйааччыбыт Алексей Андреевич Иванов - Күндэ , 130 сааһыгар анаан ,, Иэдээннээх баҕа,, кэпсээниттэн инсценировка туруордулар. Кэнсиэркэ Бордоӈ нэһилиэгиттэн култуура үтүөлээх үлэһиттэрэ Мария , Василий Спиридоновтар, ,, Бартыһаан,, театральнай киин үлэһиттэрэ, Илимниир нэһилиэгиттэн Н. В. Дохунаева , Алена, Василий Егоровтар, Хадан нэһилиэгиттэн С. А. Неряев, Сунтаартан ,, Тыый- тай,, көр - күлүү бөлөҕө, ырыаһыт З. М. Иванова кэнсиэркэ кытыннылар. Киирбит үбү оҕолор айаннарыгар анаатылар. Кэрэмэс мини- театр тэриллибитэ кылгас кэм да буоллар , былырыын Москуба куоракка баран ситиһиилээхтик кыттыбыта . Быйыл элбэх күрэххэ баран кыттан бириистээх миэстэлэргэ тиксэн кэлбитэ. Салайааччынан култуура үтүөлээх үлэһитэ Татьяна Ильинична Игнатьева ситиһиилээхтик үлэлиир. Оҕолор театрдарыгар баҕаран туран дьарыктаналлара биллэр. Хас сырыы аайы тупсан иһэллэр. Толорор оруолгар араас дьылҕалаах дьон олоҕун ис дууһаҕар киллэрэн , көрөөччүнү итэҕэтэр гына толорооһун уустуктардаах буолар. Оннук туругу оҕо саастан ырыта, билэ үөрэммит оҕо олох охсуутугар тулуурдаах буола улаатар . Онон , ,, Кэрэмэс,, мини - театр оҕолоро бары артыыс да буолбаталлар олох очурдарыгар оҕустарбакка, олохторугар ситиһиилээх дьон буолуохтара , диэн эрэнэ саныыбын. Оҕолорбутугар айар аартыктара арылла турдун ! Эриэккэс айымньылары дьоӈӈо сэргэҕэ бэлэхтии турдуннар . Сунтаардааҕы Н. Р. Родионова аатынан оҕону сайыннарар киин кэнчээри ыччаппыт талба талааннарын арыйан үүнэ сайда туруохтун ! Р. Е. Сидорова - Ымыычаана.