Бэс ыйын 27 күнүгэр,мааны Маҥааспыт сиригэр өбүгэ саҕаттан төрүттэммит үтүө үгэһинэн ,Ү...
Бэс ыйын 27 күнүгэр,мааны Маҥааспыт сиригэр өбүгэ саҕаттан төрүттэммит үтүө үгэһинэн ,Үрдүк Айыылартан алгыс ылар Үрүҥ Тунах Ыһыахпыт түһүлгэтигэр мустан ,Россияҕа Сомоҕолоһуу,Саха Республикатыгар Култуура,Үөһээ Бүлүү улууһугар Үөрэҕирии сылыгар аналлаах ыһыахпыт буолла.Үгэс быһыытынан ыһыах арыллыытыгар сиэр-туом толору толоруллан,ыраастанан ,алгыс ылан,ыһыахпыт саҕаланна.Быйылгы ыһыаҕы орто оскуола оҕолорун толоруутугар Аҕа дойду Улуу сэриитин бэтэрээнэ,олонхоһут Андрей Титаров "Хардааччы Бэргэн"олонхотун быһа тардан итэҕэтиилээхтик көрдөрдүлэр.Эҕэрдэ нүөмэрдэр кэннэ, Аҕа Баһылык эбээһинэһин толорооччу Аркадий Гаврильевич Егоров дьонун-сэргэтин эҕэрдэлээн,ыһыахха спортка, культурнай күрэххэ кыттааччыларга ситиһиини баҕарда. Ыһыахпытыгар фольклор бары жанрыгар күрэх ,детсад саастаахтан кырльаҕастарга тиийэ спорт араас көрүҥнэригэр суруттаран күрэхтэр саҕаланан,быыһыгар тохтобулга оһуохайдьыттар түһүлгэни туттулар."Уһун суһуох"конкурс ыытылынна.Ботулуттан,Үөһээ Бүлүүттэн бэйэбит уолаттарбыт кэлэн многоборьеҕа кытталлар хаһыс да сылын.Рустам Мичилович Львов кэлэн сүрүн судьуйалаан спорт көрүҥнэрин туох да мөккүһүүтэ суох эриэ дэхситин Айаан Андреевич Николаевтыын ,сэкэрэтээр Нарыйа Даниловна Петровалыын ыыттылар.Ырааҕы быраҕыы сэҥээриини ылла,манна дьиҥнээх сарыы,уһун остоох,иһэ кээнчэлээх,куллукулаах этэрбэһи быраҕан күрэхтэстилэр.Уолаттарга быйыл үс да үс ,ыараханы көтөҕүү эбии киирбитэ.Улахан дьоҥҥо бастакы Айсен Багынанов бэйэбит уолбут,участковайбыт,иккис куораттан үлэтиттэн сынньалаҥҥа сылдьар Арсен Михайлов,үһүс Айаан Николаев Ботулу оскуолатын интернатын иитээччитэ ыллылар.Уолаттарбыт чаҕылхай киирсиилэри көрдөрөн,халлаан тымныытын да иһин биир да киһи тарҕаспакка күрэхтэри көрдүлэр.Оһуохайга бастакы Рустам Львов,иккис Айыллаана Петрова,үһүс Алеяна Терентьева буоллулар.Киэһэ өттүгэр "Кэрэ ситим"диэн конкурс ыытылынна.Манна кыттааччыларбыт талааннарын наһаа сөхтүбүт,ытыс тыаһа өрө хабыллан олордо.Бастакы миэстэни Наталья ,Айыллаана Петровалар,иккиһи Мария ,Айыллаана Егоровалар,үсүһү Сардана,Светлана Васильевалар ыллылар."Удьуор утум"илиинэн оҥоһук быыстапка кыайыылаахтара Дария,Варя Григорьевалар,иккис Татьяна Тимофеева,үһүс Нарыйа Петрова буоллулар.Детсад саастаах оҕоттон улахан дьоҥҥо тиийэ многоборье буолан элбэх да элбэх киһи кытынна.Нэһилиэк бэйэтэ инициатива көтөҕөн харчы мунньан,хас биирдии кыайыылаах уу харчынан бириистээх барда.Алгыс баһа сыаланна.Этэҥҥэ буолуоҕуҥ.