Бүгүн алтынньы 16 күнүгэр,киэһэ 6 чаастан Дьокуускай куоракка Үөһээ Бүлүү улууһун земля...
Бүгүн алтынньы 16 күнүгэр,киэһэ 6 чаастан Дьокуускай куоракка Үөһээ Бүлүү улууһун землячествотын актива : Феодосия Васильевна Габышева,Григорьева Ольга Григорьевна,Михаил Михайлович Егоров ,Спиридон Олегович Борбуев Россия Геройа Петров Алексей Рафаэлович -Медведь төрөөбүт нэһилиэгиттэн Маҥаастан төрүттээх олохтоохторун кытта төгүрүк остуол тула ,атах тэпсэн олорон,бэрт ис киирбэх кэпсэтиилээх көрсүһүү буолан ааста.Мунньах Россия Геройун Алексей Петров бастакы учуутала Васильева Мария Саввичнаны чиэстээһинтэн саҕаланна.Маҥаастар мааны кийииппит Геройбут тапталлаах кэргэнэ Вера Петровна Душкевич сүүрэн- көтөн элбэҕи кэпсэтэн,туруорсан бэлэмнээбит боппуруостарын тула кэпсэтии буолла. Онлайн холбонон Маҥаас баһылыга Күннэй Николаевна Дьячковская,баһылык солбуйааччыта Нарыйа Даниловна Петрова,Маҥаас сүрүн оскуолатын директора Петров Захар Захарович,аймахтарын аатыттан Алена Филипповна Софронова кыттыһаннар,нэһилиэк иһинээҕи соруктары,былааннары,ыытыллыбыт үлэни-хамнаһы мустубут дьоҥҥо билиһиннэрдилэр. Мунньах түмүгүнэн Маҥаас сүрүн оскуолатыгар Россия Геройа Алексей Рафаэлович Петров-Медведь аатын иҥэрэргэ оскуола үлэһиттэрэ туруорсан үөрэх управлениетыгар дөкүмүөн түһэрэллэрин ,оскуола тутуута,музей үлэтэ кэҥээһинин,сквер тутуута саҕалааһынын Үөһээ бүлүү землячествота барытын өйүүрүн бигэргэттэ. Маҥаастар түмсүүлэрин активын салайааччытынан бары биир киһи курдук куоластаан Комина Саргылана Даниловнаны,солбуйааччынан Леонтьева Людмила Николаевнаны таллылар.Дьокуускай куоракка ,чугас олорор улуустарга олорор дьоммут-сэргэбит кэлэн нэһилиэккит олоҕор-дьаһаҕар көхтөөхтүк кыттан өйүүргүт иһин барҕа махтал буоллун.