Кулун тутар 26-27 күннэригэр Маҥаас орто оскуолата төрүттэммитэ 95 сыла — умнуллубат үб...
Кулун тутар 26-27 күннэригэр Маҥаас орто оскуолата төрүттэммитэ 95 сыла — умнуллубат үбүлүөй түгэннэрэ! 🥳✨ Биһиги өрөгөйдөөх үбүлүөйбүт икки күн устата олус сэргэхтик, истиҥник ааста. Ыраах сиртэн элбэх ыалдьыт тоҕуоруһа муһунна. Улуус баһылыгын бастакы солбуйааччыта Егор Дмитриевич Иванов, улуустааҕы Үөрэх салалтатыттан Айаал Ильич Прокопьев, Россия Геройа биһиги биир дойдулаахпыт Алексей Рафаэлович Петров, Доннаагы Ростов куоракка, республика5а биллэр общественник, Саха сирин Кэлим координациялыыр киинин представителэ Вера Петровна Душкевич уонна урут үлэлээн ааспыт ветеран учууталлар күндү ыалдьыт буоллулар. Тэрээһин чэрчитинэн буолбут хас биирдии күн бэйэтэ туспа суолталаах, дириҥ ис хоһоонноох : 🙏 Алгыс тылларынан тэрээһиммитин үөрүүлээхтик астыбыт. 📖 Аһаҕас уруоктар: Учууталларбыт бэйэлэрин маастарыстыбаларын көрдөрдүлэр, билии аартыгын астылар. 🏛️ Музей сырыыта: Оскуолабыт устуоруйатын, төрүт үгэстэрбитин ахтан-санаан аастыбыт, уруккуну-хойуккуну ситимнээтибит. Үбүлүөй өрөгөйдөөх чааһыгар оскуолаҕа билигин үлэлии сылдьар учууталларын, үлэһиттэрин чиэстээхтик наҕараадалааһын уонна оскуолаҕа анаан сыаналаах бэлэхтэри туттарыы буолла. 🎶 Выпускниктарбыт бэлэмнээбит чаҕылхай кэнсиэртэрэ барыбытын үөртэ. 🎂 Толору астаах мааны остуол тула олорон, уруккуну-хойуккуну ахтан, ыллаан-туойан, үҥкүүлээн-көрүлээн, выпускниктарынан көрсүһэн бастакы күммүтүн бэрт истиҥник түмүктээтибит✨. Кулун тутар 27 күнүгэр: 🏆 Иккис күн — Күүс-кыах күөн көрсүһүүтэ: Үбүлүөйбүт иккис күнэ спортивнай оонньуулартан саҕаланна. Маҥааспыт выпускниктара спортивнай күрэхтэргэ күүстэрин-кыахтарын, түмсүүлээхтэрин өссө төгүл даакаастаатылар. 🫂 Илии-илииттэн ылсыһан, сири-дойдуну аймаан, ойон-тэбэн, өбүгэбит ситимин утумнаан, оһуокайдаан дьиэрэттибит! 🤝 Үөрүүбүтүн тэҥҥэ үллэстэ кэлбит ыаллыы сытар Тылгыныбыт нэһилиэгин чаҕылхай ыччаттарыгар, барҕа махталбытын тиэрдэбит! Кинилэр истиҥ эҕэрдэ кэнсиэртэрэ тэрээһиммитин өссө киэргэттэ. Толору саала иһигэр дохсун ытыс тыаһын ортотугар дьоро киэһэбитин түмүктээтибит. 👏🎉 Бары кыттыыны ылбыт, күүс-көмө буолбут дьоммутугар, ыалдьыттарбытыгар барҕа махтал буолуохтун! Маҥааспыт оскуолата өссө да үүнэ-чэчирии турдун! 🚀✨ #Маҥаас95 #МаҥаасОскуолата #Үбүлүөй2026