*Маҥааска элбэх оҕолоох эдэр ыал хаһаайыстыба көрүүтүн саҕалаатылар*
*Маҥааска элбэх оҕолоох эдэр ыал хаһаайыстыба көрүүтүн саҕалаатылар* Маҥаас нэһилиэгэр билиҥҥи туругунан уопсайа 478 ынах сүөһү, ол иһигэр 144 ынах баар. 483 сылгы, ол иһигэр 232-тэ биэ баар.Хаһаайыстыбалар кыстыкка киирии биир саамай сүрүн түбүгүн - сыбах үлэтин бүтэрэн, кыстыкка бэлэм буоллулар. Быйыл, сайын устата, күүстээх үлэ түмүгүнэн уопсайа 1430 туонна оту оттоотулар. Ааспыт сылга Маҥаас нэһилиэгэр биэс оҕолоох эдэр ыал, Васильевтар дьиэ кэргэттэрэ, 8 тарбыйаҕы атыылаһан ылан, урукку дьоннорун хотонун оҥостон кыстыкка киллэрбиттэрэ. Ийэлэрэ оскуолаҕа завуһунан, биология уонна химия учууталынан үлэлиир, аҕалара олохтоох дьаһалтаҕа сир үлэһитэ. Быйыл кинилэр биир туҥуйдара төрөөн, эбиллибиттэрэ. Бу алтынньы ыйга хаһаайыстыбаларын кэҥэтээри, эбии 3 тарбыйаҕы ыллылар. Онон 12 төбөнү кыстыкка киллэрдилэр. Эдэр ыаллар хаһаайыстыба тэринэллэрэ - кэскиллээх суол, хас биирдиибитигэр холобур буолар. Маннык тыа сиригэр олохсуйан, сүөһү, сылгы ииттэн төрүт дьарыгы салҕыыр ыччаппыт элбии турдун Тыа хаһаайыстыбатын пресс-киинэ https://max.ru/c/-76374556982711/AaGMIBB3SVg