Быйылгы тыыл уонна үлэ бэтэрээннэрин Х — спартакиадата Арассыыйаҕа Норуоттар сомоҕолоһу... — 7 июня 2026 г. в 02:38:00.161
Быйылгы тыыл уонна үлэ бэтэрээннэрин Х — спартакиадата Арассыыйаҕа Норуоттар сомоҕолоһууларын, Саха Өрөспүүбүлүкэтигэр Култуура, Сунтаар улууһун сайдыытын уонна номоҕун сылларыгар, Герасим Алексеевич Солтуевка ананан Сунтаарга бэс ыйын 5-6 күннэригэр ыытылынна. Бүлүү бөлөх оройуоннарыттан барыта 5 хамаанда күөн көрүстэ. 13 көрүҥҥэ ким кыахтааҕа билиннэ. Ньурба улууһун хамаандатыгар биһиги Сүлэ нэһилиэгин олохтоохторо, успуорт маастардара Раиса Алексеевна Иванова уонна Анатолий Михайлович Васильев ситиһиилээхтик кытыннылар. Кинилэр саха төрүт оонньууларга хабылык уонна хаамыска көрүҥнэригэр тэҥнээхтэрин булбакка, личнай первенстваҕа чөмпүйүөн аатын ыллылар, оттон хамаанданан бастакы миэстэҕэ тигистилэр. Ньурба хамаандата дуобат уонна корнхол көрүҥнэригэр эмиэ бастаата. Городкига иккис миэстэни ыллылар. Дартска, буулдьанан ытыыга, эстафетаҕа уонна бильярдка үһүс миэстэҕэ таҕыстылар. Уопсай хамаанданан түмүккэ Ньурба бэтэрээннэрэ үһүс миэстэни ыллылар. Раиса Алексеевна Иванова санаатын маннык үллэстэр: «10-с төгүлүн ыытыллар спартакиадаҕа Ньурбабыт хамаандата бэрт ситиһиилээхтик кыттан кэллибит. Олоҥхо дойдута – Сунтаар дьоно ыалдьыттарын олус үчүгэйдик көрүстүлэр. Астара-үөллэрэ дэлэгэй этэ, барыта баар. Тёщиҥҥа сырытыннаран, сандалы хотойорунан тэрийдилэр. Ол иннинэ Элгээйигэ көрсөн, Сергей Афанасьевич Зверев -Кыыл уола түмэлигэр сырытыннардылар, алгыс, сиэр-туом толордулар, кыайыыны баҕардылар – ол баҕа санаа туолла. Этэҥҥэ барыта ааста». Күндү Раиса Алексеевна уонна Анатолий Михайлович! Сунтаарга ыытыллыбыт бэтэрээннэр Спартакиадаларыгар ситиһиилээхтик кыттан, Ньурбабыт, Сүлэбит чиэһин көмүскээбит спортсменнарбытыгар итии-истиҥ эҕэрдэ буолуохтун! Спорду өрө туппут дьоммутугар этэҥҥэ буолууну баҕарабыт уонна инникитин да улууспут, нэһилиэкпит чиэһин көмүскүөхтэрэ диэн эрэнэбит! Эһиги кыайыыгыт – көхтөөх олох уонна күүстээх санаа холобура. Инникитин даҕаны успуорт эйгэтигэр саҥа ситиһиилэри, дьолу-соргуну баҕарабыт. Күрэхтэргэ бириистээх миэстэлэр өссө да кэлэ турдуннар! ✍️Марина Герасимова - Кудай Сыдьаайа Эркин кыыһа