Сүлэ Далбар хотуна, «Силис» фермерскэй хаһаайыстыба салайааччыта В.П. Филиппованы мин с... — 21 июня 2026 г. в 23:50:49.454
Сүлэ Далбар хотуна, «Силис» фермерскэй хаһаайыстыба салайааччыта В.П. Филиппованы мин саха маанылаах аһын — саламааты астааһыҥҥа маастар диэхпин баҕарабын. Кини оҥорбут саламаатын үөрүүлээх дьоро күннэргэ түбэһэн элбэхтэ амсайбыт киһи быһыытынан. Бүгүн Валентина Прокопьевнаттан саламааты астыыр үөрүйэҕин үллэстэригэр көрдөстүм. — Бу искэ-үөскэ олус туһалаах, тотоойу аһылык, — диир Валентина Прокопьевна. — Саламаат көрүҥэ элбэх эрээри, буһарыыта биир. Сүөгэйи мөлтөх уокка оргутуллар. Иһиккэ кутан билиитэҕэ оргута уураҕыт. Оргуйуор диэри булкуйа-булкуйа буһарыллар. Оргуйдаҕына биллэр-биллибэт гына туустуугут уонна сиидэнэн бурдугун кыра-кыралаан кутуллар. Түгэҕэр сыстыбатын курдук буһуор диэри булкуйа тураҕыт. Барытын харах холооһунунан бачча сөп диэн буһарабын. Саламааты сылаастыы сиэнэр. Буолаары турар улууспут Алгыс ыһыаҕар Сүлэ нэһилиэгин хорчуоппатыгар ыһыах икки күнүгэр кэлэн Валентина Прокопьевна Филиппова астаабыт саламаатын астына амсайыаххытын сөп. ✍Лариса ДОРОФЕЕВА @gazetanyurba @ulusmedia