Быйылгы ыһыах сүрүн бирииһэ – “Беларусь” тыраахтыр! — 17 июня 2026 г. в 14:08:16.495
Быйылгы ыһыах сүрүн бирииһэ – “Беларусь” тыраахтыр! АЛРОСА тэрилтэ быйылгы Ньурба ыһыаҕар сүрүн бириис быһыытынан “Беларусь” тыраахтыры туруорда. Икки күн устата нэһилиэктэр бэйэ икки ардыларыгар түһүлгэ, хорчуоппа тэрийиитигэр, спортивнай, культурнай тэрээһиннэргэ күөн көрсүөхтэрэ. Уопсай түмүгүнэн кыайыылаах нэһилиэк Кыталыктаах түһүлгэтиттэн тыраахтыр миинэн барыаҕа. 💬 АЛРОСА генеральнай дириэктэрин солбуйааччыта Алексей ДЬЯЧКОВСКАЙ: Биһиги тэрилтэбит оройуоннар социальнай-экэнэмиичэскэй сайдыыларыгар өрүү тэҥҥэ үлэлэһэр, нэһилиэнньэ олоҕун хаачыстыбата тупсарын туһугар хаһан даҕаны туора турбат. Дьон-сэргэ саха төрүт үгэстэрин үйэтитэр, киэҥҥэ таһаарар, Алгыс ылынар үтүө күҥҥэ Ньурба улууһун дьоно түмсэн, бэлитиичэскэй диэйэтэл Степан Васильев төрөөбүтэ 130 сылыгар анаммыт уйгулаах ыһыахха анаан бириис туруордубут. Олус наадалаах саҥа тыраахтыр кыайбыт нэһилиэк сайдыытыгар, үлэтигэр-хамнаһыгар улахан көдьүүстээх буолуо диэн эрэнэбит. Ким кыахтаах – ол кыайдын! ✍🏻 Лена Петрова @gazetanyurba @ulusmedia