💟«190 үтүө дьыала» хамсааһын салҕанар: 38-с үтүө дьыала. — 5 июня 2026 г. в 11:28:55.217
💟«190 үтүө дьыала» хамсааһын салҕанар: 38-с үтүө дьыала. Ивановтар дьиэ кэргэттэрэ эмиэ биир үтүө дьыаланы оҥордулар. Бүгүн Артём Прокопьевич «Айыы Тайбыт» култуура киинигэр кэлэн, өҥнөөх принтери бэлэх туттарда. Бу — кинилэр «190 үтүө дьыала» бырайыакка 38-с кылааттара. Бу иннинэ Марина Фрументьевна эмиэ кулууппутугар аҕыс араас функциялаах термопресс бэлэхтээбитэ. Билигин кулууппут икки саҥа тэриллэннэ: термопресс уонна принтер. Барыта IX Спортивнай оонньууларга өйдөбүнньүк сувенирдары, бэлэхтэри оҥорорго ананар. Салгыы нэһилиэнньэҕэ өҥө оҥорон, ойуулаах футболкалары, сувенирнай куруускалары бэлэмниир былааннаахпыт. Биһиги кулууппутун өйүүр, сайдыытыгар кылааттарын киллэрэр бары үтүө дьоммутугар, кыттааччыларбытыгар муҥура суох махталбытын тиэрдэбит! Эһиги үтүө дьыалаҕыт, көмөҕүт нэһилиэкпит култуурунай олоҕун сайыннарарга кынаттыыр. Уопсай күүспүтүнэн — уопсай кыайыыларга!✊