Сүлэҕэ — эдэр ыччат волейболга күрэхтэһиитэ! — 27 июля 2026 г. в 11:44:31.962
Сүлэҕэ — эдэр ыччат волейболга күрэхтэһиитэ! Бэс ыйын 25 күнүгэр Сүлэ нэһилиэгэр үөрүүлээх түгэн буолан ааста. Манна төрдүс төгүлүн Ньурба улууһун эрчимнээх эдэр ыччатыгар аналлаах аһаҕас волейбол күрэҕэ тэрилиннэ. Күрэхтэһиигэ уопсайа 8 күүстээх хамаанда (смешаннай) түһүстэ: * «Ньурба 1» (Ньурба); * «Сыдьаай» (Ньурба); * «Апекс» (Ньурба); * «Эр-хаан»(Сүлэ); * «Эр-хаан 1»(Сүлэ); * «Сүлэлэр» (Сүлэ); * «Убоян» (Убоян); * «Одуванчики» (Дьаархан уонна Чаппанда). Хас биирдии кыттааччы хамаандаттан 1000 солкуобай взнос хомуллубут, ол харчылара бириискэ кубулуйда. Кытаанах киирсии түмүгүнэн кыайыылаахтар маннык быһаарылыннылар: 🥇 Бастакы миэстэ — «Ньурба 1» хамаанда. 4900 солкуобайынан наҕараадаланнылар! 🥈 Иккис миэстэ — Дьаархантан уонна Чаппандаттан кэлбит «Одуванчики». Бириистэрэ — 1600 солкуобай. 🥉 Үһүс миэстэ — Ньурба «Сыдьаай» хамаандата ылла, кинилэргэ 700 солкуобай туттарылынна. Эҕэрдэ тыллары Сүлэ нэһилиэгин баһылыга Дмитрий Юрьевич Иванов уонна култуура, ыччат политикатын департаменын салайааччытын солбуйааччыта Айсен Басангович Убушаев эттилэр. Волейбол оонньуута саҕаланарын бастакы мээчиги охсубут киһинэн Сүлэ хамаандатын капитана Николаев Георгий Альбертович буолла. Бука бары кыттыбыт волейболистарга, көрөөччүлэргэ уонна бу умнуллубат түгэни тэрийбит дьоҥҥо барҕа махталбытын тиэрдэбит! Инникитин даҕаны успуорка ситиһиилэри, чөл туругу уонна өссө үрдүк кыайыылары баҕарабыт! Аныгыс оонньуу Дьаарханна буолар чиэстэннэ!🏐🏆