Бүгүн сынньалаҥ пааркаҕа петуния сибэккилэрбитин көрөн эмтээтибит уонна кырыйталаан биэ... — 24 июля 2026 г. в 09:01:07.051
Бүгүн сынньалаҥ пааркаҕа петуния сибэккилэрбитин көрөн эмтээтибит уонна кырыйталаан биэрдибит. Петуния хлорозтаатаҕына саамай сүрүн бэлиэтинэн сэбирдэхтэрэ саһарар. Бу үүнээйигэ тимир (железо) эбэтэр атын туһалаах веществолар тиийбэттэриттэн хлорофилл оҥоһуллубат буолуута. Оччоҕуна саамай түргэн көмө — Железо хелатын (Хелат железа) сибэккини үрдүнэн ыһыы уонна сиригэр кутуу буолар. Оттон петуния уга барыта умнаска баран, уһаан уонна арбаан үүммүт буоллаҕына (биһиги сорох сибэккилэрбит оннук үүммүттэр), бу аан маҥнай күн уота тиийбэтиттэн уонна сиригэр азот аһара элбэҕиттэн буолар. Онон бүгүн сибэккилэри кырыйдыбыт, эмтээтибит уонна сороҕун күн уотугар таһааран биэрдибит. Бу быйыл элбэх сибэккини пааркаҕа саҥа олортубут, хайдах уонна ханна олортоххо табыгастаах эбитий диэн кэтээн көрөбүт. Эһиил спортивнай оонньууларга бэлэмнэнии быһыытынан, аныгыскы сыл сибэккибит арааһа, ахсаана өссө элбиэхтээх, онон быйылгы көрүүбүтүнэн петуниялары арыый үрдүк, күннээх сиргэ олордуохха диэн түмүккэ кэллибит.