Бэҕэһээ, от ыйын 23 күнүгэр, оройуоммутугар култуура пааматынньыктарын уонна тутуу сити... — 23 июля 2026 г. в 23:44:20.371
Бэҕэһээ, от ыйын 23 күнүгэр, оройуоммутугар култуура пааматынньыктарын уонна тутуу ситимнэрин тутулларын икки күннээх комплекснай көрүү чэрчитинэн Сүлэ нэһилиэгэр Саха Өрөспүүбүлүкэтин култуураҕа уонна духуобунай сайдыыга миниистирэ Афанасий Иванович Ноев, Өрөспүүбүлүкэтээҕи норуот айымньытын дьиэтин салайааччыта Иван Федорович Иванов, үбүлээһин уонна бырайыактааһын салаатын салайааччыта Иван Иванович Прокопьев, Ньурба оройуонун култуура уонна ыччат департаменын салайааччыта Розалия Михайловна Тихонова, Дьокуускайдааҕы үүнэр көлүөнэ театрын сүрүн режиссера Александр Васильевич Титигиров оробуочай бөлөҕө нэһилиэк баһылыгын Дмитрий Юрьевич Ивановы уонна «Айыы Тайбыт» култуура киинин үлэһиттэрин кытта көрүстүлэр. Көрсүһүү кэмигэр кулууп дьиэтин техническэй туруга көрүлүннэ, култуура киинин үлэтин хаамыытын билиһиннэрилиннэ уонна нэһилиэк сынньалаҥ пааркатыгар сылдьаннар үчүгэй үлэ барбытын бэлиэтээтилэр. Сүрүн боппуруостар быһаарылыннылар. Эһиил буолар спортивнай оонньууларга бэлэмнэнии былаана ырытылынна. «Айылгы» үҥкүү бөлөҕүн 15 сыллаах үбүлүөйдээх сылыгар анаан түөрт күннээх өрөспүүбүлүкэтээҕи үҥкүү бэстибээлэ тэриллиэхтээҕэ бигэргэтилиннэ. Ону таһынан, бөлөххө «норуодунай» аат иҥэрии үлэтин хаамыыта сиһилии быһаарылынна. Бэрт истиҥ көрсүһүү, сэргэх кэпсэтии ааста. Нэһилиэк култууратын сайдыытыгар саҥа соруктар туруорулуннулар. ✍️Марина Герасимова-Кудай Сыдьаайа Эркин кыыһа