Бүгүн Сүлэ нэһилиэгин «Сахсахаан» туристическай базатыгар алта араас оройуонтан — Ньурб... — 20 августа 2026 г. в 11:18:15.254
Бүгүн Сүлэ нэһилиэгин «Сахсахаан» туристическай базатыгар алта араас оройуонтан — Ньурба, Таатта, Мэҥэ Хаҥалас, Чурапчы, Хаҥалас уонна Уус-Алдан — 1983 сыллаах выпусктар кэлэн, көрөн-истэн, ыалдьыттаан аастылар. Ыраахтан-чугастан сылдьар ыалдьыттары Сүлэ нэһилиэгин баһылыгын солбуйааччыта Екатерина Андреевна Иванова, «Айыы Тайбыт» култуура киинин уус-уран салайааччыта Марина Герасимова, култуура уонна ыччат бэлиитикэтин департаменын специалиһа, төрүт үгэһи тарҕатааччы, «Сахсахаан» турбаза тэрийээччитэ Сэргэн Лэкээрин Кутаахаан истиҥник көрүстүлэр. Сэргэн Лэкээрин сиэр-туом быһыытынан алгыстаата. «Айыы Тайбыт» айыы аһын амсайан баран, ыалдьыттар Айылгы ыллыгынан Бахсы уонна Баҕа санаа ытык мастарга сырыттылар. Сүлэ сирин-дойдутун, «Айыы Тайбыт» сирин-уотун кэрэ көстүүтүттэн уонна историятын истэн, ыалдьыттар сөҕөн-махтанан бардылар. «Кырдьык да кэрэ сиргэ олорор эбиккит», — дэстилэр. Ону таһынан 1983 сыллаах выпусктар Ньурба ытык сиригэр Сата хайатыгар алгыһа түспүт, Чурапчы ураты сиригэр Тэйэр хайаҕа күөрэйбит IX спортивнай оонньууларын былааҕын «Сахсахаан» турбазаҕа тутан, үйэтитэн хаартыскаҕа түстүлэр. Бу күн кэлбит ыалдьыттарга умнуллубат кэрэ түгэн буолла — бииргэ үөрэммит доҕоттор көрсүһүүлэрэ ытык сиргэ айылҕа кэрэ көстүүтүгэр, сиэр-туом алгыһыгар ааста. "Сахсахаан" туристическай базаҕа ыалдьыттыан баҕалаахтар бу номерга билсиҥ ➡️+79141114663 ✅ Эһиги баҕаҕытынан программа таҥан сынньалаҥҥытын тэрийэргэ көмө буолабыт.