Ытыктабыллаах Уолбут нэһилиэгин олохтоохторо!Күүтүүлээх сандал сааспыт эргиллэн, күөх м...
Ытыктабыллаах Уолбут нэһилиэгин олохтоохторо!Күүтүүлээх сандал сааспыт эргиллэн, күөх маайбыт бу тиийэн кэллэ. Ыам ыйын маҥнайгы күнэ-аан дойдуга үлэһит дьон сомоҕоһууларын күнэ. Бу күнү биһиги эһээлэрбит- эбээлэрбит , аҕларбыт-ийэлэрбит Үлэ бырааһынньыгын быһыытынан өрө тутан, өр сылларга бэлиэтээн кэлбиттэрэ. Кинилэр бу күнү бэлиэтээһини үтүө үгэс быһыытынан илдьэ хаалан, салгыы, үүнэр көлүөнэлэргэ тиэрдэн иһэбит. *Үлэ киһини киэргэтэр* диэн өбүгэлэрбит мындыр этиилэрин ис сүрэхтэриттэн ылынан, үлэһит дьон буоларга дьулуспут аҕа саастаах көлүөнэ дьоно, ыччаппытыгар үтүө холобур буолаллар. *Сатабыл* түөлбэ салайааччытын аатыттан нэһилиэкпит дьонун-сэргэтин, үлэттэн илиилэрин араарбакка сылдьар аҕа саастаах дьоммутун, үлэ үөрүйэхтэригэр үөрэнэ сылдьар үүнэн иһэр ыччаппытын-бука барыгытын Үлэ бырааһынньыгынан, Күөх Маайынан эҕэрдэлиибин! Бука барыгытыгар иллээх-эйэлээх, байылыат олоҕу баҕарабын. Дьиэ кэргэҥҥит дьоллоох буоллун, олоххут оҕо саҥатынан чугдаара туоллун! Түгэнинэн туһанан *Грамота* туттарылынна хас да сыл биһиги түөлбэбит уопсай дьыалатыгар традиционнай субботниктарга бэриниилээхтик кыттар дьоннорбутугар Павел Данилович Габышевка, Александр Александрович Худаевка, Алексей Николаевич Павловка👏🏻👏🏻👏🏻 Инник *Грамота* туттарылынна биһиги түөлбэбит уопсай дьыалатыгар, арааһынай тэрээһиннэргэ, күрэхтэргэ хаһан да аккаастаабакка көхтөөхтүк, ситиһиилээхтик кыттар дьоннорбутугар Альбина Михайловна Худаеваҕа, Юлия Егоровна Будищеваҕа, Виктор Николаевич Фомичевка, Алексей Егорович Яковлевка, Юрий Юрьевич Сафоновка, Валентина Петровна Яковлеваҕа👏🏻👏🏻👏🏻 Инники да өттүгэр ити курдук иллээхтик-эйэлээхтик олоруоҕуҥ, олохпут өссө тупсарын туһугар дьоммутун-сэргэбитин түмэммит, сатабыллаахтык үлэлээн-хамсаан нэһилиэкпитин тупсарыаҕыҥ, үүнэр кэнчээри ыччаттарбытыгар үтүө өйдөбүлү оҥоруоҕуҥ!