Тыа сирин хотун дьахтарын күннээҕи олоҕун, түбүктээх уонна чиэстээх үлэтин өрө тутан, м...
Тыа сирин хотун дьахтарын күннээҕи олоҕун, түбүктээх уонна чиэстээх үлэтин өрө тутан, маннык иһирэх тылларынан "Эйгэ" сынньанар киин аатыттан эҕэрдэлиибит. Сарсыардааҥҥы таҥара кыыһыттан киэһээҥҥи сулус тахсыар диэри: Тыа сирин дьахтарын күнэ саамай эрдэ саҕаланар уонна хойут түмүктэнэр. Дьиэ-уот ис-тас үлэтэ, хотон түбүгэ, оҕо-аймах көрүүтэ — барыта кини сылаас илиитигэр тирэҕирэр. Уйгу-быйаҥ уонна иллээх олох тирэҕэ: Хотон сылаас тыына, остуол хотойор аһа-үөлэ, дьиэ кэргэн кут-сур туруга — ити барыта тыа сирин үлэһит дьахтарын сыралаах үлэтин, тулуурун уонна сатабылын түмүгэ. Тымныыны-куйааһы аахсыбакка, үлэ хаамыытыттан хаалсыбакка, куруук үөрэ-көтө сылдьыҥ , күүстээх санааҕытын ыһыктымаҥ уонна биһиги сынньанар кииммитигэр кэмигэр кэлэн күннээҕи түбүктэн аралдьыйар, сылааҕытын таһаарар буолуҥ диэн ыҥырабыт.