Бүгүн саха дьоно сөбүлүүр, маанылыыр сайын кэлбитин түстүүр күнүгэр Байаҕантай нэһилиэг... — 22 мая 2026 г. в 14:34:18.784
Бүгүн саха дьоно сөбүлүүр, маанылыыр сайын кэлбитин түстүүр күнүгэр Байаҕантай нэһилиэгэр салама ыйааһынын сиэрэ-туома улуустааҕы “Олоҥхо Дьиэтэ” этнокультурнай киин уонна Тандатааҕы В.Д.Лонгинов аатынан норуот айымньытын дьиэтин көҕүлээһиннэринэн ыытылынна. Манна Танда бөһүөлэгин Далбар Хотуттара көхтөөх кыттыыны ыллылар. Сиэр-туом ситиитин тарбаҕар талааннаах Людмила Готовцева, Вера Бурнашева эрдэттэн хатан, саламаат, алаадьы, быырпах оҥорон, өтөр көрбөтөх, сылдьыбатах тэрээһиннэригэр мааны сахалыы таҥастарын кэтэн оҥостон кэлбиттэр. “Кэрэли” ырыа бөлөҕө (сал. Е.Готовцева) тэрээһин кыттыылаахтарын арчылаан, ыраастаан, “Алгыс ырыатын” толорон сиэри-туому ситэрдилэр. Иэримэ дьиэни иччилиир кэрэ аҥардар салама кырадаһыннарын тутан истиҥ, баҕа санааларын санаан туран салама ыйаатылар. Ол кэннэ Марфа Алексеева толоруутугар оһуохай дуораччы ылланна. Самаан сайыны уруйдаан күө-дьаа кэпсэтэн, минньигэс астаах сандалыга олордубут. Елизавета Данилова, “Олоҥхо Дьиэтэ” этнокультурнай киин уус-уран салайааччыта.