🏛️Бүгүн ол эбэтэр ыам ыйын 18 күнүгэр И.П. Готовцев аатынан история уонна архитектура ... — 18 мая 2026 г. в 11:05:11.610
🏛️Бүгүн ол эбэтэр ыам ыйын 18 күнүгэр И.П. Готовцев аатынан история уонна архитектура музейыгар Аан дойдутааҕы музей күнүгэр аналлаах "ТАЛБА ТАЛААН ТҮҺҮЛГЭТЭ" диэн тэрээһин буолла. Байаҕантай нэһилиэгин талааннаах иистэнньэҥнэрэ уонна ураты дьоҕурдаах Далбар Хотуттара бэйэлэрин сылаас илиилэринэн бигээн оҥорбут оҥоһуктарын көрдөрүугэ туруордулар. Уус Алдан улууһун норуотун маастардара Л. Н. Готовцева уонна Н. Е. Андросова иистэнии кистэлэҥнэрин, ньымаларын, уратыларын кэпсээтилэр, кыбытык тигии сыралаах үлэтин В. М. Бурнашева, киэргэл - симэх арааһын оҕуруонан оҥорууну М. С. Готовцева, элбэх эдэр ыччаты уонна нэһилиэк Далбар Хотуттарын иис мындыр идэтигэр уһуйбут ветеран учуутал А. И. Заболоцкая талааннаах дьон иистэрин, кэрэ оҥоһуктарын сэргии, кэрэхсии, хайгыы көрбүтүн кэпсээтэ, талааннара тахсан, сайдан иһэллэригэр баҕа санаатын эттэ. Кэлбит дьону бэйэтин үлэлэринэн Н. М. Егорова сөхтөрдө. Кини быысапканы оҕуруонан тиһэн оҥорбут сиэдэрэй оҥоһуктара кэлбит дьон харахтарын сымнатта. Төрөөбүт дойдутунан киэн туттуутун туоһутунан "Танда геройдар дойдулара" диэн алмазнай мозаиканан оҥорбут (80*120) улахан паннота көрөөччүлэр махталларын ылан, дохсун ытыс тыаһынан доҕуһуолланна. Быыстапкаҕа Е. П. Егорова, Е. Г. Турантаева Н. М. Егорова, Р. В. Аммосова, Е. Н. Готовцева ис киирбэх, кэрэ көстүүлээх оҥоһуктара көрөөччүлэр болҕомтолорун тарта. Эдэр көлүөнэ талааннаахтара А. Н. Кардашевская, Я. Е. Колодезниковка, А. С. Попова уонна Е. А. Булдакова аныгы ньыманы баһылаан оҥорбут, тикпит оҥоһуктара эмиэ кэрэхсэннэ. Түмүккэ У. М. Заболоцкая Байаҕантай нэһилиэгин Далбар Хотуттара көхтөөх үлэлэрин туһунан билиһиннэрдэ. Бу күн сиэрин ситэрэн, "Алгыстаах алаадьы арааһа" диэн тэрилтэлэр икки ардыларыгар күрэх буолла. Музейнай пикник уопсай хаартыскаҕа түһүүнэн түмүктэннэ. Бары кэлэн кыттыыны ылбыт дьоммутугар истиҥник махтанабыт. Талааҥҥыт тахсан, сайдан, тупсан киэҥ сирдэринэн төрөөбүт нэһилиэкпит аатын ааттата туруҥ. Бука барыгытыгар чөл туругу, дьоллоох олоҕу баҕарабыт. И. П. Готовцев аатынан Тандатааҕы история уонна архитектура музея