От ыйын 3 күнүгэр Түөрт Геройдаах Байаҕантай нэһилиэгэр — 8 июля 2026 г. в 07:55:54.072
От ыйын 3 күнүгэр Түөрт Геройдаах Байаҕантай нэһилиэгэр 🇷🇺🇷🇺🇷🇺🇷🇺🇷🇺🇷🇺🇷🇺🇷🇺🇷🇺 ✅Эйэлээх олох туһугар анал байыаннай дьайыыга сырдык тыыннарын толук уурбут хорсун буойуттарбытыгар сүгүрүйэбит. ✅Кинилэр үтүө ааттарын кэриэстээн, үйэлэргэ умнуллубат өйдөбүнньүк истиэндэни туруоруу тэрээһинэ буолла. Байаҕантай нэһилиэгин аҕа баһылыга Егоров Савва Иванович, Уус Алдан улууһун волонтердарын салайааччыта Никитина Саргылаана Петровна, оҕолорбут төрөппүттэрэ, чугас аймахтара истиҥ тыллаах ахтыылары оҥордулар. Буойун уолаттарбыт сырдык ааттарыгар сүгүрүйэн, сибэкки дьөрбөтүн уурдубут. Тыл эппит дьон тус бэйэлэрин үптэринэн өйдөбүнньүк истиэндэни туруорбут Елена, Василий Романовтар дьиэ - кэргэннэригэр барҕа махтал тылларын тиэртилэр. Оҕолорбутун барыларын оскуолаҕа үөрэппит учууталлара М. П. Ноговицина бүгүҥҥү тэрээһини иилээн - саҕалаан ыытта. Түмүккэ анал байыаннай дьайыы бүтэн, биһиги уолаттарбыт этэҥҥэ дойдуларыгар эргиллэн кэлэллэрин, эйэлээх олох олохтонорун туһугар баҕа санаабытын эттибит. Олохтоох дьаһалта