"История туоһулара" — 4 марта 2026 г. в 23:57:28.076
"История туоһулара" https://cdbaiagantay.ru/ Кулун тутар 4 күнүгэр Түөрт Геройдаах Байаҕантай нэһилиэгэр, оскуола оҕолоро кыттыылаах аҕа көлүөнэ ахтыыларын хомуйан видеоархыып оҥорор "История туоһулара" ("Свидетели истории" ) диэн экспедиция бастакы айана Байаҕантай нэһилиэгиттэн саҕаланна. Бу хамсааһын 2023 сылтан "Уус Алдан Кэскилэ" оҕо общественнай хамсааһына,"Өркөн" оҕону эбии үөрэхтээһин ИТ-киинин "МедиаЛаб" студиятын тэрийиитинэн ыытыллар. Экспеция биир сүрүн сыалынан буолар улуус оскуолаларынан сылдьан медиакиин эдэр журналистарын кытта Аҕа дойду Улуу сэриитин кыттыылаахтарын оҕолоруттан төрөппүттэрин олохторун сырдатар уонна нэһилиэккэ үлэлээбит ветераннар ахтыыларын видеоҕа устан архыыбы оҥоруу. Маны сэргэ ИТ-киин педагогтара медиа эйгэтигэр оҕо айар дьоҕурун сайыннарар маастар-кылаастары ыыталлар. Бу проект ааспыт 2025 сылга Ил Дархан Гранын кыайыылааҕа буолбута. Экспедиция устар бөлөҕө анал графигы тутуһан кулун тутар 4 күнүгэр Танда бөһүөлэгэр тиийдэ. Бу бөлөххө проект ааптара, "МедиаЛаб" студия салайааччыта Окоемова Е.М. , ИТ-киин педагога Свинобоев М.А. уонна "МедиаЛаб" студия иитиллээччитэ Лиханди Артем сырыттылар. Кинилэри Байаҕантай нэһилиэгин дьаһалта, култуура киинэ уонна "Байаҕантай Кэскиллэрэ" медиакиин оҕолоро көрүстүлэр. Бу күн Тандаҕа баар үлэ ветераннарын түмэн барыта 14 ахтыыны уһултаран ыллылар. Устуулар олохтоох библиотека дьиэтигэр буоллулар. Ветераннар ахтыыларыттан эдэр корреспонденнар Танда бөһүөлэгин сэбиэскэй кэминээҕи олоҕуттан интэриэһинэй кэпсээннэри иһиттилэр, элбэҕи бэлиэтэнниллэр. "ИСТОРИЯ ТУОҺУЛАРА" экспедиция салгыы Курбуһах, Бэрт-Ууһа, Бороҕон, 2-с Лөгөй, Хоро, 1-кы Хоро уонна Мүрү нэһилиэктэрин оскуолаларыгар сылдьан ахтыылары устуохтара. Түгэнинэн туһанан "ИСТОРИЯ ТУОҺУЛАРА" экспедиция тэрийээччилэрин ааттарыттан транспорынан хааччыйбыт Байаҕантан нэһилиэгин дьаһалтатын баһылыгар Егоров С.И. ветераннары түмпүт В.Д.Лонгинов аатынан Тандатааҕы НАК култуура киинин дириэктэригэр Находкин А. А. көрдөһүүбүтүн ылынан техниканан хааччыбыт суоппарбытыгар Щербак А.А. Усулуобуйаны олохтоохбут Библиотека коллективыгар уонна ахтыыларын биэрбит Түөрт Геройдаах Бацаҕантай нэһилиэин ветераннарыгар барҕа махталбытын тиэрдэбит. Аныгыс былааммытыгар ахтыылары хомуйар былаан элбэх онон уһуллубатахтао бэлэмнэнэ сылдьын #ВместеТолькоВперёд