Бүген радиация фаҗигаләрендә һәм һәлакәтләрендә һәлак булганнарны искә алып, бер минутл... — 27 апреля 2026 г. в 16:34:23.062
Бүген радиация фаҗигаләрендә һәм һәлакәтләрендә һәлак булганнарны искә алып, бер минутлык тынлык белән хөрмәт күрсәттек. Быел Чернобыль атом электр станциясендәге коточкыч фаҗигагә нәкъ 40 ел тулды. Бу — егерменче гасырның иң куркыныч афәтләренең берсе. «Ватан сакчылары» паркында чернобыльче райондашларыбыз, аларның гаилә әгъзалары очрашты. Чарада район башлыгы Рамил Нотфуллин сүз алып, фаҗигане бетерүдә катнашкан батырларыбызга олы рәхмәтен җиткерде, ә бүген арабызда булмаганнарны изге дога белән искә алырга чакырды. Искә алу чарасы чернобыльчеләр белән бергәләп ашханәдә дәвам итте. Биредә алар истәлекләр белән уртаклашты, бер-берсенең хәлен белеште, күңел җылысын бүлеште. Безнең районнан да бу фаҗигане җиңүгә үз өлешен керткән батырлар бар. Аларның исемнәре безнең күңелләрдә мәңге сакланыр. Аларга һәм барлык корбаннарга мәңгелек дан! 🙏Фотолар https://vk.com/album-122979932_310728486