Мегино-Кангаласский краеведческий музей имени Романа Гаврильевича Васильева
Образование · 10 апреля 2026 г.
📕 «Кыһа уотун саҕар удьуор уус утума» буклет кинигэ таҕыста — 10 апреля 2026 г. в 04:27:58.778
📕 «Кыһа уотун саҕар удьуор уус утума» буклет кинигэ таҕыста 🏛️ Р.Г.Васильев аатынан улуустааҕы кыраайы үөрэтэр түмэлгэ 19-20 үйэлэр кирбиилэрин мындыр удьуор уустарын сырдатар «Кыһа уотун саҕар удьуор уус утума» саҥа буклет сүрэхтэниитэ буолла. 🔨 Буклеты булчут, сылгыһыт, кыраайы үөрэтээччи, 1-кы Тыыллыма нэһилиэгэр 6-с, уус удьуор түмэлин салайааччыта, уус Павел Федорович Инатьев – Тимир Байбал сиэнэ Николай Семенович Игнатьев хомуйан оҥордо. Буклеты таһаарыыга Иннокентий Иннокентьевич Нестеров, Ньургуйаана Васильевна Шергина, Василий Васильевич Шарин, Станислав Николаевич Афанасьев, Мэҥэ Хаҥаластааҕы Р.Г.Васильев аатынан кыраайы үөрэтэр түмэл көмөлөстүлэр. 300 ахсаанынан «Сайдыы» издательскай-полиграфическай кииҥҥэ бэчээттэнэн таҕыста. 🧑 Саҥа буклет кинигэ Игнатьевтар удьуор уус утумун, 19-20 үйэлэргэ өбүгэлэрбит хайдах дьаһанан, уһанан, эргинэн олорбуттарын хаартыска нөҥүө көрдөрөн кэпсиир. Саха аатырбыт атыыһыттарыттан биирдэстэрэ, Саха сиригэр ырыынак сыһыаннарын олохтооһуҥҥа сүҥкэн оруоллаах биир дойдулаахпыт, 1-кы гильдиялаах эргиэмсик Гаврил Васильевич Никифоров – Манньыаттаах уола Америкаттан, Европа дойдуларыттан уус дьонугар бэлэх аҕалбыт, эргиммит уһанар тэриллэрэ, туттубут маллара сырдатыллыбыттара ааҕааччыны интэриэһиргэтэр. Аатырбыт Тимир Байбал уһаммыт дьоҕура билигин баар сиэннэриттэн, хос сиэннэриттэн, бастакы хос сиэнигэр, улахан уолун Сэмэн улахан уолун Афанасий уолугар Сергей Афанасьевич Игнатьевка удьуорунан бэриллэн сылдьар. Сергей Афанасьевич Саха сиригэр, дойдуга биллэр көмүс ууһа, Арассыыйа худуоһунньуктарын уонна Арассыыйа тимир уустарын сойуустарыгар чилиэнэ, Бүтүн Арассыыйатааҕы быыстапкалыыр киин икки төгүллээх лауреата, өрөспүүбүлүкэтээҕи, дойду таһымнаах уонна норуоттар икки ардыларынааҕы быыстапкалар кыайыылаахтара. Сиһилии ⬅️ @gazetaerkeii @ulusmedia